دەموكراتيالىق پارتيا اتىنان پرەزيدەنتتىك سايلاۋعا تۇسكەن اقش-تىڭ بۇرىنعى ءبىرىنشى حانىمى ءارى مەملەكەتتىك حاتشىسى حيللاري كلينتون سايلاۋ الدىنداعى سوزدەرىن جۇزەگە اسىرادى دەپ جازادى قامشى اقپاراتتىق اگەنتتىگى.

حيللاري كلينتون سايلاۋ ناۋقانى كەزىندە كوتەرگەن باستامالارىن قولداۋ ماقساتىندا جاڭا ساياسي ۇيىم قۇردى.

Twitter-دەگى پاراقشاسىندا: «Onward Together(بىرلىكتە العا) ۇيىمىن ادامداردىڭ جىگەرلەنىپ، ساياسي ۇردىستەرگە قاتىسۋىنا جاعداي جاساۋ ماقساتىندا، سونداي-اق ءوز ارەكەتتەرىن ۇيلەستىرىپ، ءتىپتى سايلاۋدا ءوز ۇمىتكەرلىگىن ۇسىنۋلارى ءۇشىن ىسكە قوسىپ جاتىرمىز»، - دەپ جازدى كلينتون. ونىڭ جاڭا ۇيىمىنىڭ اتى سايلاۋ الدى ۇگىتىندە قولدانعان Stronger Together(بىرلىكپەن ءتىپتى دە قۋاتتى) ۇرانىنا ۇقسايدى. جاڭا ۇيىمدى قۇرۋ دەگەنىمىز «كلينتوننىڭ رەسمي تۇردە ساياساتقا ورالۋىن» بىلدىرەدى.

We're launching Onward Together to encourage people to get involved، organize، and even run for office. https://t.co/8exooosvZ5

— Hillary Clinton (@HillaryClinton) May 15، 2017

Onward Together رەسمي سايتىندا ونىڭ ماقساتى - سايلاۋدا كلينتونعا داۋىس بەرىپ، قولداۋ كورسەتكەن 66 ملن ادامنىڭ يدەياسىن العا تارتۋ، سونداي-اق جالپى «ۇدەمەلى قۇندىلىقتاردى» قولداۋ ەكەندىگى جازىلعان.

ايتا كەتەتىن بولساق، 3 مامىردا كلينتون CNN تەلەارناسىنا بەرگەن سۇحباتىندا ءوزىنىڭ سايلاۋدا جەڭىلۋىنە رەسەيلىك حاكەرلەردى كىنالاعان ەدى.