پورتۋگالدىق رومەو مەن دجۋليەتتا اتانىپ كەتكەن I پەدرو پاتشا مەن ونىڭ سۇيىكتىسى تۋرالى ءسوز قوزعاماقپىز.

1339 جىلى IV افونسۋ پاتشانىڭ مۇراگەرى اكەسىنىڭ بۇيرىعىمەن سۇيمەسە دە كونستانسە كاستيلسكوعا ۇيلەنەدى. توي كەزىندە كونستانتامەن بىرگە فرەيليندەر دە كەلەدى. ونىڭ ىشىندە ينەش دە كاشترۋ دا بار ەدى. بولاشاق پاتشا مەن ينەش بىر-بىرىنە ءبىر كورگەننەن عاشىق بولىپ قالادى.

7 جىل وتكەننەن كەيىن پەدرونىڭ ايەلى بوسانىپ جاتقان ۋاقىتتا قايتىس بولادى. وسىدان كەيىن پاتشا ينەشكە دەگەن سەزىمىن جاسىرماي، ونى سارايعا الىپ كەلىپ ۇيلەنگىسى كەلەتىنىن ايتادى.

پەدرونىڭ اكەسى بۇل نەكەگە ۇزىلدى-كەسىلدى قارسىلىعىن بىلدىرەدى. سەبەبى ينەش پورتۋگاليانى كاستيليييالار بيلەگەنىن قالايتىن كاستيلسكيي ۇرپاعىنا جاتاتىن. سوندىقتان افونسۋ بۇل نەكە سوعىسقا الىپ كەلەدى دەپ قورىقتى.

ينەشتى پەدرودان الىستاتۋ ءۇشىن سارايدان شىعاردى، قورقىتتى، قوقان-لوقى كورسەتتى. الايدا عاشىقتاردىڭ ماحابباتى كۇشەيە ءتۇستى.  

ينەش پەن  پەدرونىڭ 4 بالاسى بولدى. ەگەر ونىڭ بارلىعى تاققا تالاسسا ەلدە ازاماتتىق سوعىس باستالىپ كەتۋى مۇمكىن ەدى. پاتشانىڭ كەڭەسشىلەرى بۇل تىعىرىقتان شىعۋدىڭ جولى - ينەشتى ءولتىرۋ ەكەنىن ايتادى.

افونسۋ بالاسىن اسكەري جورىققا جىبەرەدى دە، ينەشكە جالدامالى كىسى ولتىرۋشىلەردى جىبەردى.

پاتشانىڭ ءقاۋپى تۋرا كەلدى. ازاماتتىق سوعىس باستالدى. تەك ونى باستاۋشى ءوزىنىڭ ۇلى پەدرو ەدى. ول سۇيىكتىسىن ولتىرۋگە تاپسىرما بەرگەن اكەسىنەن وسىلايشا كەك الدى. ەكى جىلدان كەيىن پاتشا قايتىس بولدى. تاققا I پەدرو وتىردى.

ەڭ الدىمەن جاڭا كەلگەن پاتشا ينەشتى ولتىرگەندەردى جازالادى. ولاردى تاۋىپ، جۇرەكتەرىن سۋىرىپ العان. وسىدان كەيىن پەدرو سۇيىكتىسى ينەشكە ۇيلەنەدى. 1361 جىلدىڭ 25 ماۋسىمىندا نەكە قيۋ ءراسىمى ءوتتى. ينەشتىڭ قايتىس بولعانىنا 6 جىل وتكەننەن كەيىن ونى ساركوفاگتان الىپ شىعىپ، توي كويلەگىن كيگىزىپ، تاققا وتىرعىزعان.

پەدرو عاشىعىنا ءتاج كيگىزدى. وسىدان كەيىن ساراي قىزمەتكەرلەرىنىڭ بارلىعى ينەشتىڭ قولىنان ءسۇيىپ، ادال بولۋعا ۋادە بەردى. نەكە قيۋ راسىمىنەن كەيىن ءمايىتتى ساركوفاگقا سالىپ، الكوباستاعى موناستىردە قالدىردى. پەدرو مۇنىڭ بارلىعىن سۇيىكتىسىن پاتشالىق زيراتقا جەرلەۋ ءۇشىن جاساعان دەگەن بولجامدار بار.

1367 جىلى پەدرو قايتىس بولدى. ونىڭ ولەر الدىنداعى تىلەگى بويىنشا، پەدرونى ءسۇيتىسى ينەشتىڭ جانىنا جەرلەدى.

ينەش پەن كاشترۋدىڭ نەكە قيۋ ءراسىمى تۋرالى ەشقانداي قۇجات تابىلماعان. سوندىقتان كوپتەگەن سىنشىلار مۇنىڭ اڭىز ەكەنىن ايتادى.

اتالمىش وقيعا تەاتر ساحنالارىندا قويىلدى. ال 2009 جىلى فرانسيادا «ءولى پاتشايىم» اتتى فيلم ءتۇسىرىلدى. 

دايىنداعان: اسەم المۇحانبەت