«قازاقستان حالىق بانكى» اق باسقارما ءتوراعاسى ءۇمىت شاياحمەتوۆا 2017 جىلعى 1-توقساننىڭ قورىتىندىسى بويىنشا «قازاقستان حالىق بانكى» اق بىرىكتىرىلگەن قارجىلىق ناتيجەلەرى تۋرالى ايتىپ بەردى، دەپ حابارلايدى قامشى اقپاراتتىق اگەنتتىگى.

«2017 جىلعى 1-توقساننىڭ اياعىندا، قازاقستان حالىق بانكى قازاقستاندا اكتيۆتەرى مەن مەنشىكتى كاپيتالىنىڭ مولشەرى بويىنشا № 1 بانك بولىپ تابىلادى. قازىرگى بەلگىسىز ەكونوميكالىق جاعدايدا قازاقستان حالىق بانكى ەسەپتى كەزەڭدە تاماشا ناتيجە كورسەتتى: 38،5 ملرد كولەمىندە تازا تابىس الىندى، ول وتكەن جىلمەن سالىستىرعاندا 68 %-عا جوعارى، بانك كاپيتالى مينيمالدى ءنورماتيۆتى تالاپتاردان الدەقايدا جوعارىلادى، تولەمپازدىق بويىنشا اكتيۆتەردىڭ ورتاق كولەمى – 47،5%-دى قۇراپ، تۇراقتى كۇيىندە قالدى. بۇل بانككە مامىر ايىنىڭ باسىنداقوسىمشا قارىز الۋ نەمەسە قايتا قارجىلاندىرۋدىڭ قاجەتىنسىز، بانكتىڭ ءوز ەسەبىنەن 638 مىڭ اقش دوللارى كولەمىندە 10 جىلدىق ەۋرووبليگاسيالاردى تولىق وتەۋگە مۇمكىندىك بەردى. قازاقستان حالىق بانكى بولشەك ساۋدا، شاعىن جانە ورتا بيزنەس، ەكونوميكانىڭ ناقتى سەكتورىن نەسيەلەۋ سياقتى نەگىزگى پرينسيپتەرىمىزگە نەگىزدەلگەن دامۋ ستراتەگيامىزدى دايەكتى تۇردە ىسكە اسىرامىز»، - دەپ مالىمدەدى ءۇمىت شاياحمەتوۆا.

سونداي-اق، باسقارما ءتوراعاسى قازكومدى ساتىپ الۋ پروسەسىنىڭ قالاي ءجۇرىپ جاتقاندىعى جايىندا دا ءسوز وزعادى. ونىڭ ايتۋىنشا، قازكوم اكسيالارىن 22،9 ملرد تەڭگەگە ورنالاستىرۋ نيەتتە، بۇل كورسەتكىش اعىمداعى كولەمنەن 22 ەسەگە ارتىق.

«مامىلەگە ساي حالىق بانكى بۇل اكسيالاردى ساتىپ الۋعا قاتىسادى. ەگەر كەلىسىم اياقتالسا، حالىق بانكى قازكومدى ساتىپ الادى، ال بۇل تەك اكسيالارى ساتىپ العاننان كەيىن جۇزەگە اسۋى مۇمكىن»، - دەدى شاياحمەتوۆا.

ياعني كەلىسىم ءساتتى اياقتالسا، كازكوممەرسبانك حالىق بانكىنىڭ ەنشىلەس ۇيىمى بولىپ شىعادى. الايدا، قيىندىقتارعا بايلانىستى مامىلەنىڭ اياتالۋ مەرزىمى كەيىنگە قالدىرىلۋدا.

«ءبىز مامىردىڭ اياعىندا ءبارى ناقتىلانادى دەپ كۇتكەن ەدىك. ءبىراق بەلگىلى ءبىر وپەراسيالىق جۇيەلەرگە بايلانىستى، باستاپقى مەرزىم كەيىنگە قالدىرىلدى. ءبىز جاۋابىن الماعان سۇراقتار ءالى دە بار»، دەدى ول.

ودان بولەك، شاياحمەتوۆا «التىن بانكتىڭ» اكسيالارىنىڭ 60%-ىن جۇڭگو بانكىنە ساتۋ تۋرالى دا ايتىپ بەردى. بۇل كەلىسىمشارتقا 2017 جىلدىڭ ەكىنشى جارتىسىندا قول قويىلادى.

2017 جىلدىڭ 1-توقسانىندا «قازاقستان حالىق بانكى» اق اكتيۆتەرى 01.01.2017 جىلمەن سالىستىرعاندا تەڭگە باعامىنىڭ اقش دوللارىنا قاتىستى ۆاليۋتا بالانس باپتارىن قايتا نىعايتۋڭا بايلانىستى ەسەبىنەن 2017 جىلدىڭ 1-توقسانىندا 2،8%-عا تومەندەپ، 5201 ملرد تەڭگەنى قۇرادى.

2016 جىلدىڭ 1-توقسانىمەن سالىستىرعاندا قازاقستان حالىق بانكىنىڭ تازا كىرىس مولشەرى 67،9%-عا ءوسىپ، 38 ملرد تەڭگەنى قۇرادى.

قامشىگەر: گۇلىم جاقان