ۇلىبريتانيالىق ساياحاتشى تايلاندتاعى قوناق ۇيلەردىڭ بىرىندە بايقاۋسىزدا كوز جۇمدى، دەپ حابارلايدى قامشى اقپاراتتىق اگەنتتىگى.

 26 جاستاعى ەبيگەيل روۋلەن كوپشىل ءارى كوڭىلدى قىز بولعان. ءوزىنىڭ جىگىتى دجەيمس برۋممەن كەزەكتى ۇرىستان كەيىن قوناقۇيگە اشۋلانىپ ورالعان.  ۇرىستان كەيىن جىگىتىن قورقىتامىن دەپ بايقاۋسىزدا  اسىلىپ كوز جۇمدى.

30 جاستاعى دجەيمس  قىزىنىڭ كوڭىلىن كوتەرۋ ءۇشىن بولمەگە 3 ساعاتتان كەيىن ورالعان، ءبىراق تىم كەش بولعان... اناسىنىڭ ايتۋىنشا، ەبيگەيل ەشقاشان وزىنە قول جۇمساۋعا بارمايدى. ومىرگە دەگەن قۇشتارلىعى وزگەلەردەن ەرەكشە بولعانىن ايتتى.

مارقۇمنىڭ اناسى دجەيمستىڭ  قىزىنا ۇنەمى قامقورلىق جاساعانىن ايتتى.  ەكەۋى ۇيلەنىپ، وتباسى بولۋدى جوسپارلاپ جۇرگەندەرىن جەتكىزدى .

مارقۇمنىڭ ەشقانداي پسيحيكالىق اۋرۋمەن اۋىرمايتىنىن ەسكەرىپ، پوليسيا ءىستى بايقاۋسىزدا ورىن العان قايعىلى وقيعا دەگەن شەشىم شىعاردى.

دايىنداعان: ايگەرىم تاۋباي