(سۋرەت مۇراعاتتان الىندى)

    قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسىمەن «شايسۇلتان شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى» رمقك سلاۆيان جازۋى مەن مادەنيەتى كۇنىنە وراي اعىمداعى جىلدىڭ 23 مامىرىندا استانا قالاسىندا  سلاۆيان جازبالارى مەن مادەنيەتى كۇنىن وتكىزەدى. شارا اياسىندا «تۇركى-سلاۆيان بايلانىسىنداعى ءتىل جانە ادەبيەت: قازىرگى زامان كوزقاراسى» اتتى حالىقارالىق عىلىمي-پراكتيكالىق كونفەرەنسيا ۇيىمداستىرىلادى.

    كونفەرەنسيانى وتكىزۋدىڭ ماقساتى – قازاقستان ەتنومادەني كەڭىستىگىندەگى سلاۆيان تىلدەرىنىڭ الۋان قىرلى قىزمەتى مەن ولاردى ساقتاپ قالۋ ماسەلەلەرى جونىندە پىكىر الماسۋ، ورىس جانە وزگە دە سلاۆيان تىلدەرىن وقىتۋ باعىتىنداعى جيناقتالعان تاجىريبەلەرمەن الماسۋ، عاسىرلار توعىسىنداعى سلاۆيان جانە تۇركى حالىقتارىنىڭ ءوزارا تىعىز قارىم-قاتىناستارىنىڭ جولدارى مەن قۇندىلىقتارىن تالقىلاۋ.          

كونفەرەنسيادا سلاۆيانتانۋ، تۇركىتانۋ، تىلدىك قاتىناس، اۋدارماتانۋ، ادەبيەتتانۋ سالالارىنداعى بەلگىلى قازاقستاندىق عالىمدار بايانداما جاسايدى دەپ جوسپارلانۋدا.

كونفەرەنسياعا قازاقستان حالقى اسسامبلەياسى مەن مادەنيەت جانە سپورت مينيسترلىگى وكىلدەرى، قازاقستان رەسپۋبليكاسىنداعى سلاۆيان جانە تۇركى مەملەكەتتەرى ەلشىلىكتەرىنەن كەلگەن ارنايى قوناقتار، بەلگىلى عالىمدار مەن قوعام قايراتكەرلەرى، ەتنومادەني بىرلەستىكتەر، ەتنواعارتۋشىلىق مەكتەپتەر مەن ب ا ق وكىلدەرى قاتىسادى.

شارا م.گوركيي اتىنداعى مەملەكەتتىك اكادەميالىق ورىس دراما تەاترىندا مەرەكەلىك  كونسەرتپەن جالعاسىن تابادى.