سيريا دەموكراتيالىق كۇشتەرى تاراپىنان تابكا ايماعىندا جاسالعان اسكەري وپەراسيا بارىسىندا دايش-تى ناسيحاتتايتىن تۇرىك تىلىندەگى كىتاپتار تابىلدى دەپ حابارلايدى قامشى اقپاراتتىق اگەنتتىگى aktifhaber.com حابارىنا سۇيەنىپ.
ANF اگەنتتىگىنىڭ حابارلاۋى بويىنشا، ءتىنتۋ بارىسىندا تابىلعان «شاحادات جولىنداعى جيھاد ەرلەرى»، اۆتورى حارۋن يلحان (Şehadet Yolunda Cihat Erleri، Harun İlhan ) اتتى كىتاپ ستامبۋلداعى «كۋرەسەل كيتاپ» باسپاسىنان شىققان. باسپا ستامبۋلداعى تۋريستەردىڭ كوپ جينالاتىن اتاقتى ۇسكىدار اۋدانىندا ورنالاسقان. كىتاپ ەشقانداي شەكتەۋسىز ينتەرنەت بەتتەرىندە جاريالانعان جانە تاراتىلعان.
كىتاپتا وقىرماندى اشىق تۇردە زۇلىمدىق پەن قاتالدىققا شاقىرادى. كىتاپقا نەگىز بولعان حارۋن يلحان 2003 جىلى ىستامبۇلدا تەراكت جاسادى دەگەن ايىپپەن سوتتالىپ، 2007 جىلى ءومىر بويى باس بوستاندىعىنان ايىرىلعان. سوت زالىندا جاساعان قىلمىستارىن دۇرىستىعىن جانە مۇسىلمان ەمەستەرگە قارسى زۇلىمدىقتى قولدايتىنىن ايتقان. سوتقا جينالعاندار الدىندا «بۇل داۋىردە كاپىرلەرگە قارسى قىلىشتان باسقا امال جوق» دەگەن.
جۋرناليست احمەد ديجلە ءوزىنىڭ تۆيتتەر پاراقشاسىندا داش-تى ناسيحاتتاعان كىتاپتىڭ ستامبۋلدا باسىلعانىن، باسپا جەرىنىڭ ءالى جۇمىس ىستەپ جاتقانىن ايتقان جانە مەكەن-جايىن دا كورسەتكەن.
انار اقباقاي
