استاناداعى تۇنگى كلۋبتاردىڭ بىرىندە تىر جالاڭاش شەشىنىپ بيلەگەن موناح ايەلدەرى كازنەت قولدانۋشىلارىنىڭ اشۋىنا ءتيدى، دەپ حابارلايدى قامشى اقپاراتتىق اگەنتتىگى.
موناح ايەلدەرىنىڭ كيىمىن كيگەن گوۋ-گوۋ قىزدارى Era – Ameno Dorime انىنە بيلەپ جاتىپ سوڭىنا قاراي ۇستىندەگى كيىمدەرىن شەشىپ تاستايدى.
الەۋمەتتىك جەلى قولدانۋشىلارىنىڭ پىكىرى ەكىگە جارىلدى. ءبىرى حريستيان ءدىنىن ۇستانۋشىلاردى قورلادى دەسە، تاعى ءبىرى مۇندا تۇرعان ەشتەڭە جوق، جاپ-جاقسى بي، ال قىزداردى سىناپ، تيىسە بەرۋ وتكەن زاماننىڭ ءىسى دەگەن پىكىرلەر بىلدىرۋدە.
ۆيدەونىڭ استىنا جازىلعان بىرنەشە پىكىرلەردى ايتا كەتسەك:
«بۇل ءبىزدىڭ ءدىنىمىز بولماسا دا باسقا ۇلتتاردىڭ ءدىنىن قۇرمەتتەۋ قاجەت. باسقا ستيل تاپپاعان با؟ تۇككە تۇرعىسىز».
«وسىلار وزدەرىنىڭ اتا-انالارىنىڭ، اجەلەرىنىڭ الدىندا وسىلاي بيلەي الادى ما ەكەن؟ تىر جالاڭاش بيلەسە دە، دىنگە قاتىستى كيىمدەردى كيمەي-اق قويسا بولار ەدى».
مىنە، وسى سىندى پىكىرلەر كوپتەپ جازىلعان.
دايىنداعان: نازەركە لابيحان
