ق ر ۇقك-نىڭ شەكارا قىزمەتى اكادەمياسىنان ءتيىستى10 تاپانشانى ۇرلاعان كۇدىكتى تۇتقىندالدى دەپ حابارلايدى قامشى اقپاراتتىق اگەنتتىگى Sputnik كازاحستانعا سىلتەمە جاساپ.
بۇل تۋرالى ق ر ءىىم-نىڭ اقپارات جانە مەملەكەتتىك ءتىل دەپارتامەنتىنىڭ ديرەكتورى الماس ساۋدابايەۆ مالىمدەگەن.
«جەدەل-تەرگەۋ توبىنىڭ تەكسەرۋ جۇمىستارى ناتيجەسىندە ۇقك شەكارا قىزمەتى اكادەمياسىنا ءتان تاپانشالاردى ۇرلاعان دەگەن ايىپپەن وسى وقۋ ورنىنىڭ جۇرگىزۋشىسى ۇستالدى»،-دەپ مالىمدەيدى الماس ساۋدابايەۆ.
كۇدىكتى ەر ادامنىڭ تۇرعىلىقتى مەكەن جايىن ءتىنتۋ بارىسىندا ۇرلانعان 10 تاپانشانىڭ بارلىعى تابىلعان.
بۇعان دەيىن حابارلاعانداي، ۇقك-نىڭ شەكارالىق قىزمەت اكادەمياسىنىڭ اسكەري اتىس الاڭىنداعى اتۋ جاتتىعۋلارىنان سوڭ، وسى وقۋ ورداسىنا ءتان پاترونسىز 10 ماكاروۆ تاپانشاسى جوعالعان بولاتىن.
شولۋشى: ارافات دەربەس ۇلى
