ەكى ساعات بويى اقتوبە پوليسەي قىزمەتكەرلەرى سۋيسيد جاساماقشى بولعان ەرلى-زايىپتىلاردى رايىنان قايتارۋعا تىرىسقان. ەكى جاقتىڭ بىر-بىرىمەن كەلىسسوزدەرىن جۋرناليستەر ۆيدەوعا تۇسىرگەن دەپ حابارلايدى قامشى اقپاراتتىق اگەنتتىگى Tengrinews.kz-كە سىلتەمە جاساپ.

ۆيدەودا پوليسيا ءۆلاديميردىڭ اكەسىنە ۇلىمەن سويلەسۋىن سۇراپ جاتقانىن ەستۋگە بولادى.  ەرلى-زايىپتىلار مۇناراعا ەشكىمدى جولاتپاعان. پوليسياعا دا، قۇتقارۋشىلارعا دا جاقىنداۋعا تىيىم سالعان. ءتىپتى اسەلدىڭ شەشەسى جاقىنداعىسى كەلگەن، جىلاپ، وتىنگەن، ءبىراق ونى دا جاقىنداتپاعان. ارادا ءبىراز ۋاقىت وتكەن سوڭ اسەل مەن ۆلاديمير ەشكىمنىڭ سوزىنە قاراماستان مۇنارادان سەكىرىپ كەتكەن. بۇل شەشىمگە نە سەبەپ بولعانىن پوليسيا قىزمەتكەرلەرى انىقتاپ جاتىر. 
ەسكە سالايىق، وقيعا 15 مامىردا بولعان. ەرلى زايىپتى تەلەمۇناراعا شىعىپ، سەكىرىپ كەتكەن. ولار وقيعا ورنىندا قازا تاپتى. كەيىن ەرلى-زايىپتىعا قاتىستى جانتۇرشىگەرلىك دەرەكتەر انىقتالدى. ءوز كەزەگىندە اقتوبەنىڭ ءبىلىم باسقارماسىنداعىلار اكەسى مەن وگەي شەشەسى تەلەمۇنارادان سەكىرىپ كەتىپ، قازا تاپقان جەتى جاسار كريستينا شۋستەر جايلى ايتىپ بەرگەن بولاتىن.

شولۋشى: نازەركە مۇسا