اق ۇيدە اقش جانە تۇركيا پرەزيدەنتتەرى دونالد ترامپ پەن رەجەپ ەردوعاننىڭ كەلىسسوزدەرى ءوتتى. بىرلەسكەن باسپا ءسوز ءماسليحاتى كەزىندە ەكى ەل ليدەرى تەرروريزمگە قارسى كۇرەس جونىندە ايتقان. ال، تۇركيا پرەزيدەنتى باسپا ءسوز حاتشىسىنىڭ حابارلاۋىنشا ەكى ەل باسشىسى ساۋدا، ەكونوميكا جانە قورعانىس سالاسى بويىنشا دا سويلەسكەنىن جەتكىزگەن دەپ جازادى قامشى اقپاراتتىق اگەنتتىگى.
ترامپ ۆاشينگتون تەرروريستىك توپتارعا قارسى كۇرەستە انكاراعا كومەكتەسۋدى جالعاستىرا بەرەدى دەپ مالىمدەدى. "يسلام مەملەكەتى" ەكسترەميستىك ۇيىمى، كۇردىستاننىڭ جۇمىسشىلار پارتياسىنىڭ اتتارى كۇرەس نىسانى رەتىندە اتالدى.
ەردوعان تەرروريستىك ۇيىمدارعا جەر بەتىندە ورىن بولماۋ قاجەت دەپ، ول ونداي توپتارعا كۇردتەردىڭ "دەموكراتيالىق وداعى" پارتياسى مەن ونىڭ حالىقتىڭ ءوزىن ءوزى قورعاۋ وتريادى دەگەن قارۋلى قاناتىن جاتقىزدى.
تۇركيا پرەزيدەنتى اتالعان ۇيىمدارمەن ارىپتەستىك جاساۋعا بولمايدى دەدى. وتكەن اپتادا ۆاشينگتون نەگىزىنەن حالىقتىڭ ءوزىن ءوزى قورعاۋ وتريادى قۇرعان "سيريانىڭ دەموكراتيالىق كۇشتەرىنە" كومەكتەسۋ جوسپارىن بەكىتكەن.
تۇركيانىڭ اقش-قا ساپارى جالعاسىپ جاتىر.
It was a great honor to welcome the President of Turkey، Recep Tayyip Erdoğan، to the @WhiteHouse today! pic.twitter.com/4BWjOCgnNv
— Donald J. Trump (@realDonaldTrump) May 16، 2017
