اتىراۋ وبلىسىندا وتاندىق بيزنەستىڭ نازارىن شوعىرلاندىرۋعا ارنالعان سالانىڭ ءبىرى – جەر قويناۋىن پايدالانۋشىلاردىڭ ساتىپ الۋلارى

بۇل تۋرالى «اتامەكەن» ق ر ۇلتتىق كاسىپكەرلەر پالاتاسىنىڭ ءتورالقا ءتوراعاسى تيمۋر قۇلىبايەۆ اتىراۋ وبلىسىنىڭ بيزنەس-قوعامداستىعىمەن كەزدەسۋ بارىسىندا ايتتى.

«بۇگىندە «تەڭىزشيەۆرويل» كومپانياسىنىڭ كەلەشەكتەگى كەڭەيتۋ جوباسى مەن وسى پروسەسكە وتاندىق بيزنەستىڭ قاتىسۋى اتىراۋ وبلىسىنداعى ەڭ وزەكتى ماسەلە بولىپ وتىر. بۇل ونىڭ الداعى ۋاقىتتا دامۋىنا ارنالعان نەگىزگى درايۆەرلەردىڭ ءبىرى. اتىراۋ وبلىسىندا جەر قويناۋىن پايدالانۋشىلارى ساتىپ الۋلارىنىڭ كولەمى شامامەن 170 ملرد تەڭگە. بۇل «سامۇرىق-قازىنا» اق جەلىسىندەگى ساتىپ الۋلاردان كوپ، سونداي-اق مەملەكەتتىك ساتىپ الۋلار كولەمىنەن ءۇش ەسە جوعارى. سوندىقتان ءبىزدىڭ كاسىپكەرلەر وسى مۇمكىندىكتى تولىقتاي پايدالانۋى كەرەك»، – دەپ ناقتىلادى تيمۋر قۇلىبايەۆ.

سونىمەن قاتار «اتامەكەن» باسشىسى بيزنەستى شاعىن يندۋستريالدىق ايماقتى قۇرۋ جانە دامىتۋ ماسەلەسىنە نازار اۋدارۋعا شاقىردى. ونىڭ ايتۋىنشا، بۇل كاسىپكەرلىكتى دامىتۋدىڭ قوسىمشا تەتىگى.

«ەلىمىزدە ءىرى يندۋستريالدىق ايماقتار قۇرىلىپ جاتىر. اتىراۋدا «ۇلتتىق يندۋستريالدىق مۇناي-حيميا تەحنوپاركى» ارنايى ەكونوميكالىق ايماعى بار. بۇل نەگىزىنەن ءىرى جانە ورتا بيزنەسكە ارنالعان تەتىك. قالادا شاعىن بيزنەسكە ارنالعان شاعىن يندۋستريالدىق پاركىن قاراستىرۋ كەرەك دەپ ەسەپتەيمىن. مىسالى، جۇمىس ىستەمەيتىن ەسكى كاسىپورىن بولۋى مۇمكىن، مۇندا ينفراقۇرىلىم جۇرگىزىلگەن ورىن بار، ياعني ءوز ءىسىن ەندى باستاعان كاسىپكەر بيزنەسىن دامىتۋ ءۇشىن ونى پايدالانا الادى. ونىڭ ۇستىنە، مۇنداي جوبالارعا قوماقتى قارجى قۇيۋ تالاپ ەتىلمەيدى»، – دەپ اتاپ ءوتتى تيمۋر قۇلىبايەۆ.

اتىراۋ وبلىسى كاسىپكەرلەر پالاتاسىنىڭ ديرەكتورى اسىلبەك جاكييەۆ جەرگىلىكتى قامتۋ ۇلەسىن ارتتىرۋ بويىنشا اتقارىلىپ جاتقان جۇمىستار جايىندا باياندادى.

ونىڭ ايتۋىنشا، «تەڭىزشيەۆرويل» ج ش س مەن وڭىرلىك كاسىپكەرلەر پالاتاسىنىڭ اراسىندا ءوزارا ىنتىماقتاستىق ورناعان. ناتيجەلى ارىپتەستىك ءۇشىن الدىن الا بىلىكتىلىن انىقتاۋ ماسەلەسىندە، ءوڭىردىڭ عانا ەمەس، تۇگەلدەي ەلدىڭ بيزنەس سۋبەكتىلەرىن قولداۋعا باعىتتالعان ۆ2ۆ كەزدەسۋلەر مەن ءتۇرلى ءىس-شارالاردى وتكىزۋدى ۇيىمداستىرۋدا تيىمدىلىگى جوعارى ادىستەر بار.

«تەڭىزشيەۆرويل» كومپانياسىنىڭ وتاندىق نارىقتى دامىتۋ دەپارتامەنتى جەرگىلىكتى جانە باسقا وبلىس كومپانيالارىن تارتۋ ءۇشىن تەندەرگە قاتىستى ساۋالدارىن وڭىرلىك كاسىپكەرلەر پالاتاسىنا جولدايدى. «اتامەكەن» ۇلتتىق كاسىپكەرلەر پالاتاسىندا شاعىن جانە ورتا بيزنەس بويىنشا ەلىمىزدىڭ بارلىق وڭىرلەرىن قامتيتىن كەڭەيتىلگەن دەرەكتەر بازاسى بار. سونىمەن قاتار ءوزارا ىنتىماقتاستىق اياسىندا ماتەريالدىق-تەحنيكالىق قامتاماسىز ەتۋ بولىمىمەن دە قارقىندى جۇمىس ءجۇرىپ جاتىر. تەحنيكالىق قىزمەتتىڭ 20 ءتۇرىن كورسەتەتىن جەتكىزۋشىلەردىڭ بىرلەسكەن فورۋمى ناتيجەسىندە رەسپۋبليكانىڭ 200-دەن استام قاتىسۋشى-كومپانيا قامتىلدى. سول كومپانيالاردىڭ ءبىرازى «تەڭىزشيەۆرويلمەن» تىعىز بايلانىس ورناتىپ، وعان ءوز قىزمەتتەرى مەن تاۋارلارىن ۇسىنىپ وتىر»، – دەدى اسىلبەك جاكييەۆ.

ەگەر «ءبىر تەرەزە» قاعيداسى تۋرالى ايتساق، وندا وڭىرلىك كاسىپكەرلەر پالاتاسى «الاش» مالىمەتتەر بازاسى جۇيەسىنىڭ وپەراتورى بولىپ وتىرعان «الگوريتم كز» كومپانياسىمەن جۇمىس ىستەيدى. بۇل بازاعا تىركەلگەن كاسىپكەر بىردەن 3 وپەراتوردىڭ الەۋەتتى جەتكىزۋشىسى بولادى. وڭىرلىك كاسىپكەرلەر پالاتاسىنىڭ قىزمەتكەرلەرى وسى جۇيەنىڭ كومەگىمەن كۇن سايىن شاعىن جانە ورتا بيزنەس وكىلدەرىنە ءتۇرلى كەڭەس بەرۋ قىزمەتىن كورسەتەدى. بۇگىنگى تاڭدا بازاعا 19 كومپانيا تىركەلگەن.

بولاشاقتا بيزنەستىڭ بارلىق سۋبەكتىلەرىنە ورتاق بولاتىن «ءبىر تەرەزە» فۋنكسياسىن ورىنداۋ ءۇشىن «تەڭىزشيەۆرويل» كومپانياسى مەن ۇلتتىق كاسىپكەرلەر پالاتاسى اراسىندا كەلىسىمگە قول قويۋ مىندەتى تۇر. بۇل قۇجات كومپانيانىڭ بارلىق جوبالارىندا وتاندىق قامتۋ ۇلەسىن ۇلعايتۋعا جول اشىپ، جەر قويناۋىن پايدالانۋشى كومپانياعا دا، قازاقستان كاسىپكەرلەرىنە دە ءتيىمدى بولماق.