بۇگىن تاڭەرتەڭ ساعات 07:55 شاماسىندا جايىق وزەنىنەن وتەتىن كوپىردە 1984 جىلعى جۇرگىزۋشى Volkswagen Golf 3 اۆتوكولىگىن ايداپ كەلە جاتىپ، «جايىق تازا قالا» جشس-نىڭ ەكى جۇمىسشىسىن قاعىپ كەتكەن، دەپ حابارلايدى قامشى اقپاراتتىق اگەنتتىگى قازاقپاراتقا سىلتەمە جاساپ.

بقو ءىىد جەرگىلىكتى پوليسيا قىزمەتىنىڭ باسشىسى، پوليسيا پولكوۆنيگى ماناربەك ءعابدۋلليننىڭ ايتۋىنشا، 1956 جىلعى جۇمىسشى وقيعا ورنىندا قازا تاپقان. 1980 جىلعى ەكىنشى جۇمىسشى اۋىر حالدە اۋرۋحاناعا جەتكىزىلگەن. ولار سول كوپىردى سىرلاۋ جۇمىستارىن اتقارىپ جاتقان. سول جەردە بەلگى دە تۇرعان.

جۇرگىزۋشىنىڭ سوزىنە قاراعاندا، سالونداعى بالاسىنا الاڭداپ، اڭداماي قالعان.

«قازىرگى كەزدە ق ر قك 345-بابى 3-بولىگىنە (ابايسىزدا ادام ولىمىنە سوقتىرعان جول قوزعالىسى نەمەسە كولىك قۇرالىن پايدالانۋ ەرەجەسىن بۇزۋ) سايكەس قىلمىستىق ءىس قوزعالىپ، تەرگەۋ امالدارى جۇرگىزىلۋدە»، دەدى م.عابدۋللين.