الماتى اكىمى باۋىرجان بايبەك المالى اۋدانىندا ءجۇرىپ جاتقان كورىكتەندىرۋ جۇمىستارىنا كوڭىلى تولمايتىنىن ايتتى، دەپ جازادى قامشى اقپاراتتىق اگەنتتىگى.

 قازاقپاراتتىڭ مالىمەتىنە سۇيەنسەك، جۇمىس ساپارى بارىسىندا قالا باسشىسى قىسقا مەرزىمدە شۇعىل تۇردە بارلىق تروتۋارلار مەن ساياباقتاردى، بالالار الاڭى مەن سپورت الاڭدارىن قالپىنا كەلتىرۋدى بۇيىردى.

«ءار شارشى مەتردى، ءار كوشەنى رەتتەۋ كەرەك. قوقىس، جولداعى شۇرىق تەسىكتەر، قيسىق قورشاۋ ءبارى نازاردان تىس قالماۋى ءتيىس. ءبىز قالانى جاياۋ جۇرگىنشىلەرگە ىڭعايلى ەتۋىمىز كەرەك»، - دەدى ول.

المالى اۋدانىنىڭ اكىمى جاسۇلان ەستەنوۆتىڭ ايتۋىنشا، بيىل 34 مەكەنجايداعى 10 تروتۋار، ۇزىندىعى 19،7 كم بولاتىن سىرتقى جارىقتاندىرۋ جەلىلەرى جوندەلۋى ءتيىس. سونداي-اق، 80 اۋلا كۇردەلى جوندەۋدەن وتەدى. قابانباي جانە ناۋرىزباي باتىر كوشەلەرىنىڭ قيىلىسىنداعى سكۆەر،

ارباتتاعى سۋبۇرقاق جوندەلەدى. اۋدان اكىمىنىڭ بايبەككە بەرگەن ەسەبىندە «تۇرعىن ءۇي شارۋاشىلىعى» باعدارلاماسى اياسىندا جىل باسىنان بەرى 5 ۇيدە 13 ليفت اۋىستىرىلىپ، 4 ۇيدە كۇردەلى جوندەۋ باستالعانى بەلگىلى بولدى.

شولۋشى: گۇلىم جاقان