اقتاۋدا اۋىلدىق جەرلەردە كاسىپكەرلىكتى دامىتۋ ماسەلەسى تالقىلاندى

«اتامەكەن» ق ر ۇلتتىق كاسىپكەرلەر پالاتاسىنىڭ ءتورالقا ءتوراعاسى تيمۋر قۇلىبايەۆ ماڭعىستاۋ وبلىسىنىڭ اكىمى ەرالى توعجانوۆپەن جانە وڭىردەگى بيزنەس-قوعامداستىق وكىلدەرىمەن كەزدەسۋ بارىسىندا اۋىلدىق جەرلەردە ميكرونەسيەلەۋدى ۇلعايتۋدىڭ قاجەتتىلىگىن اتاپ ءوتتى.

جيىن بارىسىندا وبلىستىڭ ەكونوميكاسىن ارتتىرۋعا اسەر ەتەتىن نەگىزگى ماسەلەلەر، ونىڭ ىشىندە اۋىلدىق جەردەگى كاسىپكەرلىك تاقىرىبى تالقىلاندى.

بىلتىر «اتامەكەننىڭ» باستاماسىمەن ەلىمىزدىڭ 6 وڭىرىندە ميكرونەسيەلەۋ بويىنشا قاناتقاقتى جوبا ىسكە قوسىلعان بولاتىن. اتاپ ايتقاندا الماتى، اقتوبە، قىزىلوردا، ماڭعىستاۋ، جامبىل مەن قوستاناي وبلىستارىنداعى كاسىپكەرلىككە شاعىن نەسيە بەرۋ جوباسى جۇزەگە اسىرىلدى. جوبا ۇكىمەتكە تانىستىرىلىپ، ونىڭ ناتيجەسىندە ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ مەملەكەتتىك باعدارلاماسى ازىرلەندى.

«المەكس» حولدينگتىك توبى، «ERG» مەن «قازاقمىس» كومپانيالارى ميكروقارجىلاندىرۋ ۇيىمى ءۇشىن ءبىر جارىم ميلليارد تەڭگەدەن استام قاراجات ءبولدى. اتالعان وبلىستاردىڭ اكىمدىكتەرى دە سونداي سومادا قارجى سالدى. جاۋاپكەرشىلىگى شەكتەۋلى سەرىكتەستە ولاردىڭ 49% ۇلەسى بار، ال 51% ۇلتتىق كاسىپكەرلەر پالاتاسىنا تيەسىلى»، – دەپ ناقتىلادى تيمۋر قۇلىبايەۆ.

قارجى رەسۋرستارىنان قارىز الۋشىلاردىڭ نەگىزگى بولىگى وسىمدىك ءوسىرۋ (21،6%)، مال شارۋاشىلىعى (37،6%) مەن تۇرعىندارعا قىزمەت كورسەتۋ (18،2%) سالالارىنا ارنالدى. قازىرگى تاڭدا باعدارلاما اياسىندا 18 ملن تەڭگەگە دەيىن نەسيە 6% مولشەرلەمەمەن 7 جىلعا دەيىن بەرىلەدى.باعدارلاما اياسىندا 27 ملرد تەڭگە ميكرونەسيەلەۋگە بولىنگەن، ونىڭ ىشىندە 16 ملرد تەڭگە «قازاگرو» اق ارقىلى ىسكەر اسىرىلادى، ال 11 ملرد تەڭگە ميكروقارجىلاندىرۋ ۇيىمدارى ارقىلى نەسيەگە بەرىلەدى.

«وسى جىلدىڭ مامىر ايىنا بولىنگەن 3 625 ملن تەڭگەدەن 676 ءوتىنىم 3 296 تەڭگە سوماسىندا قارجىلاندىرىلدى، ياعني 91% يگەرىلدى. ونىڭ ۇستىنە، ميكروقارجىلاندىرۋ ۇيىمى جىلجيتىن جانە جىلجىمايتىن مۇلىك، جەر ۋچاسكەسى، اۋىلشارۋاشىلىعى تەحنيكاسىن كەپىلدىككە الا وتىرىپ، كەپىلدىك ساياساتىنا جۇمساقتىق تانىتۋدا»، – دەپ ءتۇسىندىردى ءتورالقا ءتوراعاسى.

تيمۋر قۇلىبايەۆ نەسيە بەرۋ تۋرالى شەشىمدى بيزنەس وكىلدەرىنەن تۇراتىن وڭىرلىك كەڭەس قابىلدايتىنىن ناقتىلادى.

ءوز كەزەگىندە ماڭعىستاۋ وبلىسى كاسىپكەرلەر پالاتاسى «Bastau بيزنەس» وقىتۋ باعدارلاماسىن جۇزەگە اسىرعاندا «اتامەكەن» مقۇ» جاۋاپكەرشىلىگى شەكتەۋلى سەرىكتەستىگىندە ميكرونەسيەلەۋگە قاتىستى كوپتەگەن ءوتىنىش تۇسەتىنىن ايتتى. سوندىقتان «Bastau بيزنەس» جوباسىن ءساتتى اياقتاۋ ماقساتىندا «اتامەكەن» مقۇ» جاۋاپكەرشىلىگى شەكتەۋلى سەرىكتەستىگىنىڭ قور جيناۋى قاجەت. وبلىس اكىمدىگى بۇل باستامانى قولدادى جانە «اتامەكەن» مقۇ» جاۋاپكەرشىلىگى شەكتەۋلى سەرىكتەستىگىنە قور جيناۋ ماسەلەسىن تاياۋ ۋاقىتتا ۇلتتىق پالاتامەن زەردەلەۋگە دايىن ەكەنىن جەتكىزدى.

كەزدەسۋدى قورىتىندىلاي كەلە، تيمۋر قۇلىبايەۆ اتالعان جوبانىڭ ساتتىلىگى مەن اۋىلدىق جەرلەردە ميكرونەسيەلەۋدى «اتامەكەن» مقۇ» ج ش س ارقىلى ۇلعايتۋ قاجەتتىلىگىن اتاپ ءوتتى.

ءتورالقا ءتوراعاسى ءىس-ساپار بارىسىندا وبلىستاعى كاسىپكەرلەردىڭ ونىمدەرى قويىلعان كورمەگە قاتىستى جانە تۇيەنىڭ پاستەرلەنگەن ءسۇتى مەن كوكتەيل شىعاراتىن «W DOS AGARGAN» جاۋاپكەرشىلىگى شەكتەۋلى سەرىكتەستىگىنىڭ جۇمىسىمەن تانىستى. بۇل كومپانيا وسى 2017 جىلى اشىلعان. بۇگىندە كومپانيادا 12 ادام جۇمىس ىستەيدى، بولاشاقتا ولاردىڭ قاتارىن 200 قىزمەتكەرگە دەيىن ارتتىرۋ كوزدەلىپ وتىر. كومپانيا تاۋاردى وبلىس نارىعىنا وتكىزەدى جانە زاۋىت ءوز ءونىمىن قازاقستانعا عانا ەمەس، بىرىككەن اراب امىرلىكتەرى مەن وزگەدە شەت مەملەكەتتەرگە ەكسپورتقا شىعارۋدى جوسپارلاپ وتىر.