اقش سەناتىنىڭ ۇلتتىق قاۋىپسىزدىك پەن ۇكىمەتتىك ىستەر كوميتەتى ۆاشينگتونداعى رەسەي ەلشىلىگى عيماراتىنا قارسى كوشەگە بوريس نەمسوۆ ەسىمىن بەرۋ تۋرالى زاڭ جوباسىن قولدادى دەپ حابارلايدى قامشى اقپاراتتىق اگەنتتىگى. رەسەيدىڭ وپپوزيسيالىق ساياساتكەرى 2015 جىلى اقپان ايىندا ماسكەۋدە قاستاندىقپەن ولتىرىلگەن بولاتىن.

 BBCء-دىڭ ورىس قىزمەتىنىڭ جازۋىنشا رەسپۋبليكاشىلدار وكىلى مارك رۋبيو. ۆيسكونسين-اۆەنمەن قيلىس ەندى «بوريس نەمسوۆ پلازا» دەپ اتالادى جانە بۇدان بىلاي رەسەي ەلشىلىگى وسى ادرەستى كورسەتەتىن بولادى.  

اتالعان زاڭ جوباسى كۇشىنە ەنۋى ءۇشىن اقش  كونگرەسى ماقۇلداۋى ءتيىس بولاتىن. سونداي-اق پرەزيدەنت ترامپ قول قويۋى كەرەك.

وپپوزيسيالىق ساياساتكەر بوريس نەمسوۆ 2015 جىلدىڭ 27 اقپانىندا ماسكەۋدەگى ۆاسيليەۆ ەڭىسىندە قازا تاپتى. گودا. ونىڭ ولىمىنە 5 چەچەن ايىپتالدى.  زاۋر دادايەۆ، انزور پەن شاديد گۋباشيەۆى، تەميرلان ەسكەرحانوۆ جانە حامزات باحايەۆ. ولاردىڭ بارلىعى سوتتا كىناسىز ەكەنىن ايتقان.

بوريس نەمسوۆ 1991 جىلى نيجەگورود وبلىسىنىڭ ءبىرىنشى گۋبەرناتورى بولىپ تاعايىندالعان ەدى. كەيىن رەسەي ۇكىمەتىنە اۋىسىپ، جانارماي مەن ەنەرگەتيكا ءمينيسترى (1997) ۇكىمەت ءتوراعاسىنىڭ ءبىرىنشى ورىنباسارى (1997—1998) قىزمەتتەرىن اتقارعان. 1998 جىلى «روسسيا مولودايا» ليبەرالدىق قوزعالىسىن قۇرعان، كەيىن «پراۆوە دەلو» كواليسياسى (1998—2000) مەن «سويۋز پراۆىح سيل» پارتياسىنىڭ نەگىزىن قالاعان. بوريس نەمسوۆ رەسەي پارلامەنتىنە دە بىرنەشە مارتە سايلانعان، 1990 جىلى رسفسر حالىق دەپۋتاتى اتانعان، 1993 جىلى فەدەراسيا كەڭەسىنە وتكەن، 1999—2003 جىلدارى مەملەكەتتىك دۋمانىڭ دەپۋتاتى، سپس فراكسياسىنىڭ جەتەكشىسى اتانعان. وپپوزيسيالىق «سوليدارنوست» قوزعالىسىنىڭ قۇرۋشىسى، «رپر-پارناس» پارتياسىنىڭ تەڭ ءتوراعاسى، رەسەي وپپوزيسياسى ۇيلەستىرۋشى كەڭەسىنىڭ مۇشەسى بولىپ كەلگەن. ايماقتىق سايلاۋعا دا قاتىسىپ، 2013 جىلى ياروسلاۆل وبلىستىق دۋماسىنا «رپر-پارناس» اتىنان دەپۋتات بولىپ سايلانعان.

بوريس نەمسوۆ رەسەيدەگى ساياسي احۋالدى سيپاتتايتىن «پۋتين. يتوگي. 10 لەت» جانە «پۋتين. كوررۋپسيا» كىتاپتارىن جازعان. ول پرەزيدەنت ۆلاديمير ءپۋتيننىڭ كەزىندەگى ەڭ ءىرى وپپوزيسيالىق نارازىلىق شارالارىنا اينالعان «مارش نەسوگلاسنىح» شەرۋى مەن «زا چەستنىە ۆىبورى» ميتينگىلەرىن ۇيىمداستىرعان ەدى. كرەملدىڭ باتىسقا قارسى ساياساتىن اشىق سىناپ كەلگەن نەمسوۆتىڭ الەۋمەتتىك جەلىلەردەگى جازبالارى كەڭ تاراپ، قىزۋ تالقىلانا باستاعان بولاتىن.