ءۇندىستاندا ۋاقىتىنا جەتپەيت 28-اپتادا دۇنيە ەسىگىن اشقان ءسابيدىڭ سالماعى نەبارى 470 گرامم. ول – جۇرەگىنە جاسالعان وپەراسيانى جەڭىپ شىققان الەمدەگى ەڭ كىشكەنتاي بوبەك.

رادجاستان اۋرۋحانالارىنىڭ بىرىندە دۇنيەگە كەلگەن ءسابيدىڭ كولەمى ادامنىڭ الاقانىنداي عانا. كىشكەنتاي بولعانى سونشالىق، دارىگەرلەر العاشىندا قولدارىن تيگىزۋگە ۇرەيلەنگەن. دۇنيەگە كەلسە دە، كوزدەرى جابىق، تولىق دامىماعان، تەرىسى ءالى دە قاعاز سەكىلدى ەدى.

2 اپتا وتكەن سوڭ «گيتاندجالي» كوللەدجى مەن «دجيەۆانتا» اۋرۋحاناسىنىڭ دارىگەرلەرى بالانىڭ تىم السىزدىگىنە قاراماستان جۇرەگىنە وتا جاسايدى. سەبەبى، تىنىس الۋ جۇيەسىندە قيىندىقتار بولعان.

470 گرامدىق ءسابيدىڭ جۇرەگىنە وتا جاساۋ ۇلكەن جاۋاپكەرشىلىك، ءارى قيىننىڭ قيىنى. ونىڭ ۇستىنە، نارەستەنىڭ اعزاسى دا ءالى دامىماعان. الايدا دارىگەرلەر تاۋەكەلگە باردى.

نارەستەگە وپەراسيانى جاڭادان تۋعان سابيلەرگە ارنالعان ارنايى حيرۋرگيالىق قۇرالدارى بار ينتەنسيۆتى تەراپيا بولىمىندە جاسادى. ابىروي بولعاندا، ءبارى ءساتتى اياقتالدى. ءسابيدىڭ اتا-اناسى مەن اۋرۋحانا قىزمەتكەرلەرى بۇل ساتتىلىكتى، نارەستەنىڭ ارۋدى جەڭىپ شىعۋىن عاجاپقا بالادى.    

شولۋشى: گۇلىم جاقان