الماتىدا تۇركىسىب اۋدانىنىڭ پوليسيا قىزمەتكەرلەرى جەڭىل جۇرىسپەن اينالىساتىن 193 قىزعا ايىپپۇل سالدى. ايىپپۇل كولەمى  2 ملن. تەڭگەنى  قۇراپ وتىر، دەپ حابارلايدى قامشى اقپاراتتىق اگەنتتىگى جەرگىلىكتى جەردىڭ ىشكى ىستەر باسقارماسىنىڭ مالىمەتىنە سۇيەنىپ.

جەڭىل ءجۇرىستى قىزداردىڭ ءوز ىستەرىمەن اينالىساتىن ورىندارى بەلگىلى بولدى.  39 پاتەر مەن 8 ءقوناقۇي انىقتالدى.

«جەرگىلىكتى جەردىڭ پوليسيا قىزمەتكەرلەرى كەزەكتى تەكسەرۋ جۇمىستارىن جۇرگىزدى. تەكسەرۋدىڭ العاشقى ساعاتىنان-اق  جەزوكشەلىكپەن اينالىساتىن 40 قىز ۇستالىپ، ىشكى ىستەر باسقارماسىنا تاپسىرىلدى. سول ءتۇنى ءبىزدىڭ باستى نازارىمىزدا سەيفۋللين داڭعىلى بولدى. سەيفۋللين داڭعىلىنىڭ بويىنداعى «نۇر» قوناقۇيىندە تۇنگى ءومىر قىزىپ جاتقان.  كولىك جۋۋ ورتالىعىنىڭ ءبىرىنشى قاباتىنداعى بولمەلەر مەن قىزدارعا ۇنەمى جالعا بەرىلەتىن پاتەرلەر انىقتالدى . قىزداردىڭ جەزوكشەلىكپەن اينالىسۋى ءۇشىن ارنايى سالىنعان  جەكەمەنشىك ۇيلەر دە بەلگىلى بولدى. بۇل جەرلەر سوت شەشىمى بويىنشا جابىلادى»، دەپ مالىمدەدى تۇركىسىب اۋدانى ىشكى ىستەر باسقارماسىنىڭ جەرگىلىكتى پوليسيا باستىعى فارحات سبانبايەۆ.

شولۋشى: ايگەرىم تاۋباي