«جىبەك جولى» راللي-مارافونى العاش رەت شىعىس قازاقستان اۋماعىن باسىپ وتەدى

    Gulim Zhaqan
    «جىبەك جولى» راللي-مارافونى العاش رەت شىعىس قازاقستان اۋماعىن باسىپ وتەدى

    ماسكەۋدە رەسەي، قازاقستان، جۇڭگو ەلدەرى اۋماعىندا وتەنىن «جىبەك جولى 2017» حالىقارالىق راللي-مارافونى مارشرۋتىنىڭ سالتاناتتى تانىستىرىلىمى ۇيىمداستىرىلدى، دەپ حابارلادى قامشى اقپاراتتىق اگەنتتىگى قازاقستان بويىنشا باسپا ءسوز ۇيلەستىرۋشىسىنە سىلتەمە جاساپ.

    عالامشاردىڭ ەڭ ۇزاق ءرالليى ءداستۇرلى تۇردە ماسكەۋدەگى قىزىل الاڭدا 7 شىلدەدە باستالادى، ودان ءارى جارىس ءوز جولىن شىعىسقا قاراي جالعاستىرادى. قازاقستانعا كەرۋەن 10 شىلدەدە كەلەدى. ءرالليدى وتكەن جىلعىداي ءبىرىنشى بولىپ قوستاناي ءوڭىرى قارسى الادى، كەلەسى كۇنى جارىسقا قاتىسۋشىلار قوستاناي-استانا باعىتىمەن جولعا شىعادى.

    11 شىلدەدە مارافونشىلار قازاقستان استاناسىنا جەتىپ، ەكسپو-2017 حالىقارالىق كورمەسى اياسىندا سالتاناتتى تۇردە كوشەلەرمەن ءجۇرىپ ءوتۋ شاراسى ۇيىمداستىرىلادى. 12 شىلدەدە كەزەكتى استانا-سەمەي باعىتىنداعى ساپار باستالادى. قازاقستاندىق مارشرۋت 13 شىلدەدە سەمەي-ۇرجار كەزەڭىمەن اياقتالادى. شقو-دان «جىبەك جولى» قىتايعا اتتانادى. قاتىسۋشىلار 22 شىلدەدە ەجەلگى سيان قالاسىنداعى مارەگە جەتۋى ءتيىس.

    ءراسىمنىڭ رەسمي بولىگىنە «جىبەك جولى» ءرالليى ديرەكسياسىنىڭ وكىلدەرى، رەسەي، قازاقستان، قىتايدان ۇيىمداستىرۋشىلار، ارىپتەستەر، سونداي-اق رف-داعى ق ر ەلشىلىگىنىڭ 2ء-شى حاتشىسى مارلەن باباشيەۆ پەن «نۇر وتان» پارتياسىنىڭ استانا قالاسىنداعى  فيليالىنىڭ ورىنباسارى باقىت ساپاروۆ قاتىسادى. راللي مارشرۋتتارىنىڭ كەستەسى

    7 شىلدە. سالتاناتتى باستالۋى. ماسكەۋ، قىزىل الاڭ

    8 شىلدە. 1-كەزەڭ. ماسكەۋ - چەبوكسارى

    9 شىلدە. 2-كەزەڭ. چەبوكسارى - ۋفا

    10 شىلدە. 3-كەزەڭ. ۋفا - قوستاناي

    11 شىلدە. 4-كەزەڭ. قوستاناي - استانا

    12 شىلدە. 5-كەزەڭ. استانا - سەمەي

    13 شىلدە. 6-كەزەڭ. سەمەي - ءۇرجار

    14 شىلدە. 7-كەزەڭ. ءۇرجار - تاچەنگ (قحر)

    15 شىلدە. 8-كەزەڭ. تاچەنگ - ءۇرىمجى

    16 شىلدە. دەمالىس كۇنى. ءۇرىمجى

    17 شىلدە. 9-كەزەڭ. ءۇرىمجى - حامي

    18 شىلدە. 10-كەزەڭ. حامي - دۋنحۋان

    19 شىلدە. 11-كەزەڭ. دۋنحۋان - سزيايۋيگۋان

    20 شىلدە. 12-كەزەڭ. سزيايۋيگۋان - الاشان يۋسي

    21 شىلدە. 13-كەزەڭ. الاشان يۋسي -  چجۋنۆەي

    22 شىلدە. 14-كەزەڭ. چجۋنۆەي - سيان. فينيش.

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025