قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ كسرو حالىق ءارتيسى ءاسانالى اشىموۆكە  «قازاقستاننىڭ ەڭبەك ەرى»  اتاعىن بەردى دەپ حابارلايدى قامشى اقپاراتتىق اگەنتتىگى.

         بيىل كسرو جانە قازاقستاننىڭ حالىق ءارتيسى، مەملەكەتتىك سىيلىقتارىنىڭ لاۋرەاتى ءاسانالى ءاشىموۆ 80 جاسقا تولدى. ايتۋلى مەرەيتوي 12 مامىر كۇنى اۋەزوۆ تەاترىندا رەسپۋبليكا كولەمىندە اتالىپ وتكەن بولاتىن. الاشتىڭ ارداقتىسى ءاسانالى ءاشىموۆ تەاتر مەن كينو سالاسىندا قايتالانباس وبرازدار جاساپ، رەجيسسەر رەتىندە دە سپەكتاكلدەر ساحنالادى. سانالى عۇمىرىن ونەر سالاسىنا ارناعان ساحنا ساڭلاعى، بۇگىندە اۋەزوۆ تەاترىنىڭ كوركەمدىك جەتەكشىسى، قازاقستان تەاترلار اسسوسياسياسىنىڭ ءتوراعاسى قىزمەتىن اتقارادى. 

         ۇلتىمىزدىڭ ماقتانىشىنا اينالعان ءاسانالى ءاشىموۆتىڭ  مەرەيتويى استانا قالاسىندا وتەتىن دۇنيەجۇزىلىك «ەكسپو -2017» كورمەسىندە دە ءوز جالعاسىن تاپپاق.