Robocop اتتى العاشقى روبوت پوليسەي دۋبايدىڭ پوليسيا قۇرامىنا كىردى دەپ حابارلايدى قامشى اقپاراتتىق اگەنتتىگى Arabian Business-كە سىلتەمە  جاساپ.

روبوتتىڭ ۇزىندىعى – 170 سانتيمەتر، سالماعى – 100 كەلى. ول ەموسيا دەتەكتورىمەن جاساقتالعان. وسى ارقىلى ادامداردىڭ بەت الپەتىنەن، ءوزىن-وزى ۇستاۋىنان ءتارتىپ بۇزۋشىنى انىقتاي الادى. روبوت ادامداردىڭ ەموسياسىن 1،5 مەتر قاشىقتىقتان بايقايدى.

اسكەري ناۆيگاتوردىڭ ارقاسىندا جەرگىلىكتى ايماقتى جاقسى بىلەدى. التى تىلدە سويلەي الادى. ونىڭ ىشىندە اعىلشىن مەن اراب ءتىلى دە بار. حالىق روبوت ارقىلى كرەديتتىك كارتامەن پوليسيا قىزمەتىنىڭ اقىسىن تولەي الادى.

Robocop كوشەلەردى ارالاپ ءجۇرىپ، بەينە تاسپانى الىپ كەلىپ، ءتارتىپ ساقشىلارىنا قىلمىسكەرلەردى تابۋعا كومەكتەسەدى. روبوت قوعامدىق ورىنداردا ادامدارعا كومەكتەسىپ، ءتارتىپ بۇزعاندارمەن كۇرەسەدى جانە قالانىڭ قاۋىپسىزدىگىنە جاۋاپ بەرەدى.

شولۋشى: اسەم المۇحانبەت