اق ءۇي $1 ملرد كولەمىندەگى گرانت باعدارلامالارىن قىسقارتۋدى كوزدەپ وتىر، دەپ جازادى قامشى اقپاراتتىق اگەنتتىگى.

اقش پرەزيدەنتى دونالد ترامپ مەملەكەتتىك دەپارتامەنت جۇيەسىندە قامتاماسىز ەتىلگەن تەگىن اسكەري گرانتتى قايتا قاراماق، سونىمەن قوسا كونگرەسس ماقۇلداسا، ونى قايتارىمدى نەسيەمەن الماستىرماق ويدا. بۇل جايىندا دۇيسەنبى كۇنى ۆەدومستۆودا حابارلاندى.

امەريكالىق شەنەۋنىكتەردىڭ ايتۋىنشا، اتالمىش ۇسىنىستى وسى اپتا ىشىندە زاڭ شىعارۋشىلار قارايدى. ماسەلە $1 ملرد.تى قۇرايتىن 10 مەملەكەتكە قاتىستى باعدارلاما جايىندا بولىپ وتىر.

گرانتتان ايىرىلۋى مۇمكىن مەمەلەكەتتەردىڭ قاتارىندا ۋكراينا تۇر. ءساۋىردىڭ اياعىندا The Foreign Policy باسىلىمى مەملەكەتتىك دەپارتامەنتتىڭ 2018 جىلعا قارجى جوباسىن جاريالاعان. وندا اقش-تىڭ ۋكرايناعا قارجىلىق كومەگى 68،8%-عا قىسقاراتىندىعى جازىلعان، ياعني $570،9-دان $177،9، ملن.عا دەيىن قىسقارماق.

مەملەكەتتىك دەپارتامەنتتىڭ حابارلاماسىندا ۋكراينادان بولەك مىنا مەملەكەتتەردىڭ گرانتتىق كومەكتەن ايىرىلاتىندىعى كورسەتىلدى: پاكىستان، تۋنيس، ليۆان، كولۋمبيا، فيليپپينى جانە ۆەتنام. پاكىستانعا كورسەتىلگەن گرانتتىق كومەك $265 ملن.-دان $100 ملن-عا دەيىن قىسقارادى.

وسى ۋاقىتقا دەيىن مەملەكەتتىك دەپارتامەنت باسقارماسىمەن قاۋىپسىزدىك ماقساتىندا $6 ملرد. بولىنگەن. اقش اسكەري گرانت رەتىندە ۇسىنعان كومەكتەر ءتىزىمى مىناداي بولعان: يزرايل - $3،1 ملرد، يوردانيا - $350 ملن. جانە مىسىر - $1،3 ملرد. امەريكالىق شەنەۋنىكتەردىڭ ايتۋىنشا، اتالمىش گرانتتار 2018 جىلعى قارجىدا ساقتالادى.

ناۋرىز ايىندا اق ءۇي اكىمشىلىگى دامۋشى مەملەكەتتەرگە قولداۋ شىعىندارىن ءۇش ەسەگە قىسقارتۋدى ۇسىندى. 2018 جىلعى جوبا بيۋدجەتىندە ۋكرايناعا كورسەتىلگەن كومەكتى 68،8%-$177،9 ملن.-عا قىسقارتتى. تاجىكستان – 47،6%-عا، $17،3 ملن.-عا قىسقاردى، مولداۆا – 47،4%-$16 ملن.-عا قىسقاردى. ارمەنيا، ءازىربايجان، بەلارۋسيا، گرۋزيا، قازاقستان، قىرعىزستان، تۇركىمەنستان مەملەكەتتەرىنە كومەك 100%-عا قىسقاردى. كومەكتەن تولىق ايىرىلعانداردىڭ قاتارىندا ۆەتنام مەن كۋبا دا بار. ال، يراك پەن سيرياعا كومەك كەرىسىنشە وسپەك: يراك – 144،9% - $122 ملن.-نان $300 ملن.-عا دەيىن، سيريا – 50%-عا، $100 ملن.-دان $150 ملن.-عا دەيىن وسەدى. 

شولۋشى: گۇلىم جاقان