سۋ پەرىلەرى مەن كەرىكتەر-ويدان شىعارىلعان با الدە شىنايى ومىردە بولعان با؟ عاسىرلار بويى ادامداردىڭ قىزىعۋشىلىعىن تۋدىرىپ، باسىن قاتىرعان بەلگىسىز تىرشىلىك يەلەرى تۋرالى مالىمەتتەردى قامشى اقپاراتتىق اگەنتتىگى وقىرمان نازارىنا ۇسىنادى.

لوح-نەسس قۇبىجىعى

لوح-نەسس كولىندە اڭىز بويىنشا سۋ قۇبىجىعى مەكەندەيدى. شوتلانديالىقتار ونى ەركەلەتىپ نەسسي دەپ اتايدى. العاش رەت ول تۋرالى مالىمەت 5 عاسىرداعى جازبالاردا  تابىلعان. 1880 جىلى لوح-نەسس قۇبىجىعى تۋرالى ەل ەستيدى. جانە بۇل جولى بولعان وقيعاعا بايلانىستى بۇل اقپارات شىنايى رەتىندە قابىلدانادى. قايىقپەن بىرگە كولدىڭ ۇستىندەگى ەر ادام سۋعا باتىپ كەتكەن، كۋاگەرلەر قايىقتى الدەبىر كۇش وزىنە تارتىپ سىندىرىپ جىبەرگەن دەيدى.

سۋ قۇبىجىعى  1933 جىلدان كەيىن تانىمال بولا باستادى. «يۆنينگ كۋرەرس» باسىلىمى كۋاگەردىڭ  باسىنان وتكەن وقيعاسى نەگىزىندە قۇبىجىق تۋرالى ماتەريال باسىپ شىعارادى.

وسىدان ءبىر جىل بۇرىن 2016 جىلى فوتوگراف يەن برەمنەر لوح-نەسس كولىندە 2 مەترلىك جىلان تارىزدەس تىرشىلىك يەسىن سۋرەتكە تۇسىرگەن. الايدا ب ا ق مۇنى جالعان ميستيفيكاسيا رەتىندە ساناسا، كەيبىرەۋلەرى فوتودا ءۇش يتبالىق بار دەپ ەسەپتەدى.

سۋ پەرىلەرى

سۋ پەرىلەرى تۋرالى اڭىز دا، حالىق اراسىندا تارالعان اڭگىمە دە كوپ. قۇيرىعى بار ارۋلار ءار حالىقتىڭ ميفولوگياسىندا ءار ءتۇرلى ورىن الادى. كەيبىر حالىقتاردا ولار سۋدىڭ، كولدىڭ، تەڭىزدىڭ قورعاۋشىلارى، كەيبىرىندە كەرىسىنشە سۋ پەرىسىنە سۋعا باتىپ كەتكەن قىزدار اينالادى دەپ ەسەپتەلەدى ەكەن.  سۋ پەرىلەرى ادامعا ءقاۋىپتى جىندار دەگەن كوزقاراس تا بار.

الەمنىڭ كوپتەگەن جەرلەرىندە، نيگەريا، ءۇندىستاندا سۋ پەرىسىنىڭ قاڭقاسىنا ۇقساس وسىنداي قاڭقالار تابىلعان.

سيرەنالار

سيرەنالار- ەرەكشە داۋىسقا يە  قاناتتى ارۋلار.  گرەك ميفولوگياسىندا ولاردى زيەۆستىڭ ءوزى قۇدايلاردىڭ تاپسىرماسىن ورىنداماعان ءۇشىن سۇلۋ كەلبەت سىيلاپ، قولدارىنىڭ ورنىنا قانات بەرگەن دەلىنگەن.

كراكەن

سكانديناۆيالىق قۇبىجىق. ايداھار باستى سەگىزاياق العاش رەت 1710 جىلى دات ءناتۋراليسى ەريك پونتوپپيدىڭ جازبالارىندا اتالعان. ءبىر ارالمەن بىردەي قۇبىجىق كەمەلەردى سۋعا باتىرىپ وتىرعان.

200 جىلدان 1897 جىلى  زەرتتەۋشىلەر  سۋ استىنان ناقتىراق ايتقاندا اتلانت مۇحيتىنان ۇلكەن كالماردى تاپقان. ونىڭ ۇزىندىعى 16،5 مەتردى قۇراعان.

فەنيكس –وتتى قاناتتارى بار ولمەيتىن قۇس. ول ءوزىنىڭ ولەتىنىن سەزسە جانىپ كەتەدى ەكەن.

ونىڭ ورنىنا كىشكەنە بالاپان قالىپ قالادى. ءومىر ءسۇرۋ كەزەڭى 500 جىل.

پەگاس

اپپاق قاناتتى پىراق ات. اڭىز بويىنشا ول پوسەيدون سۋ قۇدايى مەن مەدۋزا گورگونانىڭ قوسىلىسىنان پايدا بولعان.

قار ادامى

قار ادامى نەمەسە يەتي مايمىلعا ۇقساس بولىپ كەلەدى. تاۋلى ايماقتاردا مەكەندەيتىن بۇل تىرشىلىك يەلەرى تۋرالى العاش رەت جۇڭگو جازبالارىندا كەزدەسكەن. ولاردىڭ ومىردە بارىن دالەلدەيتىن ايعاقتار: تابان ىزدەرى، باسى تابىلعان.

دايىنداعان: نازەركە مۇسا