جۋرناليستەر اراسىندا قالالىق بايقاۋ وتكىزىلەدى دەپ حابارلايدى قامشى اقپاراتتىق اگەنتتىگى. بايقاۋ شارتى تومەندەگىدەي.
- جالپى ءبولىم
1. جۋرناليستەر اراسىندا وتەتىن قالالىق بايقاۋى (بۇدان ءارى – بايقاۋ) «بايلانىس جانە اقپارات قىزمەتكەرلەرى كۇنى» اياسىندا وتكىزىلەدى.
بايقاۋدىڭ ماقساتى جۋرناليستەر قاۋىمىن ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ جۇزەگە اسىرىلۋىن، الماتى قالاسىنىڭ بۇگىنگى تىنىس-تىرشىلىگىن جاريالاۋعا تارتۋ، سونداي-اق جۋرناليستەردىڭ شىعارماشىلىق الەۋەتىن اشۋ جانە ولاردى ىنتالاندىرۋ بولىپ تابىلادى.
2. بايقاۋدىڭ مىندەتتەرى:
- اكىمدىك پەن ب ا ق وكىلدەرى اراسىندا سەرىكتەستىك پەن ىنتىماقتاستىقتى ارتتىرۋ؛
- جۋرناليستەر نازارىن مەملەكەت باسشىسى ن.ءا.نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىنىڭ، ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ، ەلباسىنىڭ بەس ينستيتۋسيونالدىق رەفورماسىنىڭ ىسكە اسىرىلۋ بارىسىن جاريالاۋعا اۋدارۋ.
3. جەڭىمپازداردى انىقتاۋ جانە ديپلومدار تاپسىرۋ «بايلانىس جانە اقپارات قىزمەتكەرلەرى كۇنى» مەرەكەسىمەن ساباقتاستىرىلادى.
4. جەڭىمپازداردى ايقىنداۋ جانە سىيلىقتاردى تاعايىنداۋ بايقاۋ كوميسسياسىنىڭ شەشىمىمەن جۇزەگە اسىرىلادى.
5. بايقاۋ كوميسسياسىنىڭ قۇرامىنا بەلگىلى جۋرناليستەر، مەملەكەتتىك جىنە قوعام قايراتكەرلەرى، ۇكىمەتتىك ەمەس ۇيىمداردىڭ وكىلدەرى، قالا اكىمدىگىنىڭ قىزمەتكەرلەرى كىرە الادى.
بايقاۋ كوميسسياسى سىيلىق الۋعا تالپىنۋشىلار مەن ديپلومدار الۋشىلاردى ىرىكتەۋ بارىسىندا كەلەسى شارتتاردى باسشىلىققا الادى:
- ماتەريالداردىڭ وبەكتيۆتىلىگى؛
- كاسىبيلىك جانە مازمۇنداي شەبەرلىگى؛
- ماسەلەنىڭ قويىلۋى جانە ونى جان-جاقتى اشىپ كورسەتۋ؛
- ماتەريالدار تۋعىزعان قوعامدىق رەزونانس؛
- جۇمىستاردىڭ شىعارماشىلىق تولىمدىعى؛
- كوتەرىلگەن ماسەلەلەردىڭ وزەكتىلىگى جانە شىعارماشىلىق تالدانۋىنىڭ تەرەڭدىگى.
7. بايقاۋدى وتكىزۋدى ۇيلەستىرۋ.
بايقاۋدى وتكىزۋ جۇمىسىن ۇيلەستىرۋ الماتى قالاسى اكىمىدىگىنىڭ جانىنان قۇرىلعان ۇيىمداستىرۋ كوميتەتىنە (بۇدان ءارى – ۇيىمداستىرۋ كوميتەتى) جۇكتەلەدى.
8. اشىقتىق.
وسى ەرەجە بايقاۋعا قاتىسۋعا ۇمىتكەرلەرگە، قىزىعۋشىلىق تانىتۋشى تۇلعالاردىڭ بارلىعىنا تانىسۋ ءۇشىن ۇسىنىلادى. ەرەجە باق-تا جاريالانادى.
- بايقاۋعا قاتىسۋ شارتتارى
9. بايقاۋعا قاتىسۋشىلار.
بايقاۋعا قاتىسۋعا رەسپۋبليكالىق جانە جەرگىلىكتى دەڭگەيدەگى بارلىق باق-تار مەن جۋرناليستەر شاقىرىلادى.
10. ۇسىنىلاتىن جۇمىستاردىڭ تاقىرىبى.
مەملەكەت باسشىسى ن.ءا.نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىنىڭ، ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ، ەلباسىنىڭ بەس ينستيتۋسيونالدىق رەفورماسى، ەلباسىنىڭ العا قويعان كوكەيكەستى مىندەتتەرىنىڭ جۇزەگە اسۋى تۋرالى، سونىمەن قاتار، الماتى قالاسىنىڭ الۋەمەتتىك-ەكونوميكالىق دامۋى، قوعامدىق-ساياسي ءومىرى مەن جەتكەن جەتىستىكتەرى تۋرالى ماتەريالدار قابىلدانادى.
2017 جىلعى 1 قاڭتاردان 2017 جىلعى 15 ماۋسىمعا دەيىن جاريالانعان (جاريالانىمدار مەن باعدارلامالار سيكلدەرى، ءتۇرلى جانرلارداعى وچەرك، سۇحبات، ماقالا، تەليەۆيزيالىق جانە راديو باعدارلامالار، جۋرناليستىك زەرتتەۋلەر جانە تاعى باسقالار) نەمەسە ەفيرگە شىققان ماتەريالدار، قابىلدانادى.
11. بايقاۋعا ۇسىنىلاتىن ماتەريالدارعا قويىلاتىن تالاپتار:
جاريالانىمدار ءتۇپنۇسقا نەمەسە ماتەريالداردىڭ كسەروكوشىرمەسى تۇرىندە (باسىلىمنىڭ اتاۋى، كۇنى جانە اۆتورمەن بايلانىس جاساۋ مالىمەتتەرى تولىق كورسەتىلە وتىرىپ) ۇسىنىلۋى ءتيىس. ماتەريالداردىڭ MS Word فورماتىنداعى ەلەكتروندى نۇسقاسى مىندەتتى تۇردە بولۋى ءتيىس.
دىبىستىق-ۆيزۋالدى جۇمىستار ەفيرلىك انىقتامامەن بىرگە تەليەۆيزيالىق باعدارلامانىڭ كوشىرمەسى تۇرىندە (cd/dvd ديسكىلەرىندە، flash-تاسىمالداۋشىلارىندا) ۇسىنىلۋى ءتيىس.
ەلەكتروندىق ب ا ق جۋرناليستەرى جاريالانعان ماتەريالداردىڭ كوشىرمەسىن ينتەرنەت-سايتتا ورنالاستىرىلعانىن راستاپ جولداۋى قاجەت.
ماتەريالدار مەملەكەتتىك جانە ورىس تىلدەرىندە قابىلدانادى. بايقاۋعا ماتەريالداردى قابىلداۋدىڭ سوڭعى كۇنى – اعىمداعى جىلدىڭ 20 ماۋسىمى (الىناتىن كۇن).
ۇسىنىلاتىن ماتەريالدارعا ب ا ق پەن جۋرناليست تۋرالى قىسقاشا ءومىرباياندىق اقپارات، 3ح4 سم. سۋرەتى، اقپاراتتىق ماتەريالدار ءتىزىمى قوسا بەرىلەدى.
12. بايقاۋعا ۇسىنىلاتىن جۇمىستاردىڭ سانى.
ءبىر ب ا ق نە جۋرناليست ۇسىناتىن ماتەريالداردىڭ سانى 5-تەن اسپايدى.
13. جۇمىستار بايقاۋدىڭ ۇيىمداستىرۋ كوميتەتىنە حابارلاندىرۋدا كورسەتىلگەن مەرزىمنەن كەشىكتىرىلمەي ۇسىنىلادى. بايقاۋ تاقىرىبىنا سايكەس ەمەس جانە تالاپتارعا ساي كەلمەيتىن ماتەريالدار، ۇسىنۋ مەرزىمى اياقتالعاننان كەيىن كەلىپ تۇسكەن جۇمىستار بايقاۋعا جىبەرىلمەيدى. بايقاۋعا ۇسىنىلعان ماتەريالدار قايتارىلىپ بەرىلمەيدى.
III. بايقاۋدىڭ ءوتۋ كەزەڭدەرى
14. العاشقى كەزەڭ.
رەسپۋبليكالىق جانە جەرگىلىكتى باق-تا بايقاۋدى وتكىزۋ تۋرالى جانە وعان قاتىسۋ شارتتارى تۋرالى حابارلاندىرۋ جاريالانادى جانە باسپا ءسوز كونفەرەنسياسى وتكىزىلەدى.
15. بايقاۋ ماتەريالدارى بايقاۋدى ۇيىمداستىرۋ كوميتەتىنىڭ مەكەنجايىنا 2017 جىلعى 15 ماۋسىمعا دەيىن كەلىپ تۇسەدى. بايقاۋعا بەرىلگەن وتىنىشتەردى قاراۋدىڭ رەگلامەنتىن بايقاۋ كوميسسياسى بەلگىلەيدى. بايقاۋ كوميسسياسى ءوز جۇمىسىنىڭ ناتيجەسى بويىنشا بايقاۋ لاۋرەاتتارىن ايقىندايدى.
16. قورىتىندىلاۋ.
جەڭىمپازداردى جاريالاۋ كەلەسى جەتى نوميناسيالار بويىنشا بايقاۋدى جالپى قورىتىندىلاۋ اياسىندا ىسكە اسىرىلادى::
1. ۇزدىك تەليەۆيزيالىق سيۋجەت؛
2. باسپا باق-تاعى ۇزدىك جاريالانىم؛
3. ۇزدىك راديوماتەريال؛
4. اقپاراتتىق اگەنتتىكتەر لەنتالارىندا جاريالانعان ۇزدىك جاريالانىم (ينتەرنەت-رەسۋرستار)؛
5. الەۋمەتتىك جەلىلەردە جاريالانعان ۇزدىك جاريالانىم (بلوگەرلەر ماتەريالدارى)؛
6. ۇزدىك فوتوماتەريال؛
7. ۇزدىك ينفوگرافيكا.
- بايقاۋ ماتەريالدارىن باعالاۋ جانە ىرىكتەۋ پروسەدۋراسى
17. بايقاۋ ماتەريالدارىن باعالاۋ بارىسىندا كەلەسى شارتتار نازارعا الىنادى: بەلگىلەنگەن تاقىرىپقا سايكەستىك؛ جاڭاشىلدىق؛ ماسەلەنى تالداۋدىڭ تەرەڭدىگى؛ ناقتىلىق پەن لوگيكالىق نەگىزدەلۋى؛ مازمۇنداۋ ءستيلى مەن ءتىلى، تەحنيكالىق ساپاسى؛ اۆتورلىق تۇجىرىمدامانىڭ دەربەستىگى؛ جاريالانىمدا نەمەسە دىبىستىق-ۆيزۋالدىق جۇمىستا مازمۇندالعان اقپاراتتىڭ ناقتىلىعى مەن شىنايىلىعى؛ جۋرناليستيكانىڭ ەتيكالىق پرينسيپتەرىنە سايكەستىگى؛ سىرتقى بەزەندىرىلۋى.
- ۇيىمداستىرۋ كوميتەتىنىڭ قۇقىقتارى مەن مىندەتتەرى
18. ۇيىمداستىرۋ كوميتەتى:
- بايقاۋ تۋرالى وسى ەرەجەنىڭ تالاپتارىنا سايكەسسىزدىكتەردى نەگىزگە الا وتىرىپ، ۇمىتكەردى بايقاۋعا قابىلداماۋعا؛
- قانداي دا ءبىر ۇمىتكەرگە قاتىستى بايقاۋ كوميسسياسىنىڭ مۇشەسى ءوز وكىلەتتىكتەرىن اسىرا پايدالانعانى انىقتالعان كەزەڭدە بايقاۋ قورىتىندىلارىن جوققا شىعارۋعا قۇقىلى.
19. ۇيىمداستىرۋ كوميتەتىنىڭ مىندەتتەرى:
- بارلىق قاتىسۋشىلار ءۇشىن تەڭ جاعداي جاساۋ؛
- بايقاۋدى وتكىزۋدىڭ جاريالىلىعىن قامتاماسىز ەتۋ؛
- بايقاۋدىڭ ناتيجەلەرى تۋرالى مالىمەتتەردىڭ ۋاقىتىنان بۇرىن جاريا ەتىلۋىنە جول بەرمەۋ.
- بايقاۋ كوميسسياسىنىڭ قۇقىقتارى مەن مىندەتتەرى
20. بايقاۋ كوميسسياسى مىنالاردى ىسكە اسىرۋعا قۇقىلى:
- بايقاۋعا تۇسكەن ماتەريالدارعا باعا بەرۋ؛
- جەڭىمپازدارعا سىيلىقتار تاعايىنداي وتىرىپ، بايقاۋدى قورىتىندىلاۋ.
21. بايقاۋ كوميسسياسىنىڭ مىندەتتەرى:
- بارلىق قاتىسۋشىلار ءۇشىن تەڭ جاعداي جاساۋ؛
- بايقاۋدىڭ ناتيجەلەرى تۋرالى مالىمەتتەردىڭ ۋاقىتىنان بۇرىن جاريا ەتىلۋىنە جول بەرمەۋ؛
بايقاۋ كوميسسياسى مۇشەسىنىڭ بايقاۋعا قاتىسۋىنا جول بەرىلمەيدى.
- قاتىسۋشىلاردىڭ قۇقىقتارى، مىندەتتەرى مەن جاۋاپكەرشىلىگى
22. بايقاۋعا قاتىسۋشىلار مىنالاردى ىسكە اسىرۋعا قۇقىلى:
- بايقاۋدىڭ ءوتۋ شارتتارى مەن ءتارتىبى تۋرالى اقپاراتتار الۋ؛
- ۇيىمداستىرۋ كوميتەتىنەن وسى ەرەجەنىڭ تارماقتارىنا ءتۇسىندىرۋدى سۇراۋ؛
- بايقاۋعا قاتىسۋ ءۇشىن ماتەريالدار جولداۋ.
23. بايقاۋعا قاتىسۋشىلاردىڭ مىندەتتەرى:
- بايقاۋدىڭ مان-جايىمەن الدىن-الا تانىسۋ، بايقاۋعا قاتىسۋ ءۇشىن قويىلاتىن تالاپتاردى زەرتتەۋ؛
- وسى ەرەجەنىڭ تالاپتارىنا سايكەس راسىمدەلگەن ماتەريالداردى ۋاقىتىلى ۇسىنۋ؛
- وسى ەرەجەدە قاراستىرىلعان ەرەجەلەر مەن پروسەدۋرالاردى ساقتاۋ.
24. بايقاۋعا قاتىسۋشىلار كەلەسىلەر ءۇشىن جاۋاپتى:
- ماتەريالدار مەن تۇيىندەمەدە كورسەتىلگەن اقپاراتتاردىڭ شىنايىلىعىنا قويىلاتىن تالاپتاردى بۇزعانى ءۇشىن؛
- وسى ەرەجەدە بەلگىلەنگەن شارتتاردى، ەرەجەلەر مەن راسىمدەۋلەردى ساقتاماعانى ءۇشىن.
- مەديا رەسۋرستار
25. بايقاۋعا اقپاراتتىق قولداۋ جاساۋدى اكىمدىكتىڭ مەديا-رەسۋرستارى مەن اقپاراتتىق سەرىكتەستىكتەرى قامتاماسىز ەتەدى.
- ۇيىمداستىرۋشى تۋرالى بايلانىس اقپاراتى
26. بايقاۋدى ۇيىمداستىرۋ كوميتەتى: الماتى قالاسى ىشكى ساياسات باسقارماسى.
بايقاۋعا ماتەريالدار مىنا مەكەن-جاي بويىنشا قابىلدانادى: الماتى قالاسى، رەسپۋبليكا الاڭى، 4، كاب. 501، 509، تەل. 2716648، 2729727، smi@uvp.almaty.kz، smi-dvp@mail.ru.
