قازاقستان جاڭالىقتارى سوڭعى جاڭالىقتار الماتى فاكۋلتاتيۆ ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىنداعى نەگىزگى باعىتتار بويىنشا ءىس-شارالار جۇزەگە اسىرىلا باستادى، دەپ حابارلايدى قامشى اقپاراتتىق اگەنتتىگى 24.kz-كە سىلتەمە  جاساپ. 

الماتى قالاسى اكىمدىگىندە كەڭەيتىلگەن وتىرىس ءوتىپ، ارنايى جۇمىس توبى مەن ساراپشىلار بەكىتىلدى. وعان مەملەكەتتىك قىزمەتكەرلەر، قوعام قايراتكەرلەرى، ۇكىمەتتىك ەمەس ۇيىمداردىڭ وكىلدەرى قاتىستى.

قالادا بيىل «تۋعان جەر» جوباسى اياسىندا 84 ءىرى شارا وتكىزىلەدى. ول ءتورت باعىتتان تۇرادى: ءبىلىم، ايماقتىق مادەنيەت، تۋعان جەرگە الەۋمەتتىك كومەك، قالانىڭ تاريحي دەرەكتەرى مەن تۋريستىك الەۋەتىن ارتتىرۋ.

 ارمان قىرىقبايەۆ، قالا اكىمىنىڭ ورىنباسارى: – جاڭا وقۋ جىلىنان باستاپ مەكتەپتەردە تۋعان ولكەمنىڭ تاريحى، ياعني الماتى قالاسىنىڭ مىڭجىلدىق تاريحى اتتى فاكۋلتاتيۆتىك ءپان ەنگىزىلەتىن بولادى. سونىمەن قاتار جۇيەلى تۇردە وقۋشىلار اراسىندا وسى قالامىزدىڭ مىڭجىلدىق تاريحىن بىلۋگە بايلانىستى ءتۇرلى دارەجەدەگى سايىستار وتكىزىلەتىن بولادى.

حانكەلدى ءابجانوۆ، ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى: – تۋعان جەر دەگەندى تەك ءوزىمنىڭ اۋىلىم دەپ قانا ۇقپاي، ول مەنىڭ ەلىم، وتانىم، مەنىڭ بارلىق ءبولمىس-بىتىمىم دەپ ۇعىنۋىمىز كەرەك قوي. تۋعان جەردىڭ تاريحىن، ونىڭ ءپاتريوتيزمىن باسقا فۋنكسيالارىن زەرتتەۋ، ناسيحاتتاۋ، دايەكتەۋ – بۇل عالىمداردىڭ، مامانداردىڭ مىندەتى.

شولۋشى: ايگەرىم تاۋباي