اقش قارۋلى كۇشتەرى سەيسەنبىگە قاراعان ءتۇنى «اراب تۇبەگىندەگى ال-كايدا» جاۋىنگەرلەرىنە قارسى جورىق جۇرگىزدى، دەپ جازادى قامشى اقپاراتتىق اگەنتتىگى. بۇل جونىندە اقش-تىڭ ورتالىق قولباسشىلىعى حابارلايدى.

اۋە سوققىلارى مەن اتىس قارۋىنىڭ سالدارىنان 7 جاۋىنگەرردىڭ كوزى جويىلدى.

ماريب پروۆينسياسىندا جۇرگىزىلگەن وپەراسيا ناتيجەسىندە اقش تەرروريستەردىڭ «قايدا جاسىرىنۋى مۇمكىن» ەكەندىگىن انىقتايتىن اقپاراتقا قول جەتكىزدى.

«بۇل وپەراسيا يەمەن ۇكىمەتىنىڭ قولداۋىمەن جۇزەگە استى. اقش اراب وداقتاستارىمەن بىرىگىپ تەررروريستىك ۇيىمدارمەن كۇرەسۋدى جالعاستىراتىن بولادى»، دەلىنگەن قولباسشىلىقتىڭ حابارلاماسىندا.

سوڭعى جىلدارى اقش يەمەن ارقىلى تۇراقتى تۇردە «ال-كايدا» جاۋىنگەرلەرىنە سوققى جاساپ ءجۇر، ءبىراق ەرەجەگە ساي اۋە سوققىسى ارقىلى عانا. الايدا اقش پرەزيدەنتى دونالد ترامپتىڭ جاڭا اكىمشىلىگى تەرروريستەرگە قارسى بىرنەشە جەرۇستى جورىقتار ۇيىمداستىردى. 

شولۋشى: گۇلىم جاقان