ەكسپو كەزىندە ءداستۇرىمىزدىڭ سان وزىق ۇلگىسىن كورسەتىپ، جاڭادان سالىنعان سان ءتۇرلى عيماراتتاردىڭ تانىستىرىلىمى وتەتىنى بەلگىلى. اركىم ءوز بيزنەس جوسپارىن ىسكە اسىرىپ،  ەڭبەگىنە قاراي جەمىسىن كورگىسى كەلەدى. ولاردىڭ قاتارىندا جەڭىل ءجۇرىستى قىزدار دا بار. ولار وسى جازدا كوپتەپ اقشا تابۋدى جوسپارلاپ وتىر، دەپ حابارلايدى قامشى اقپاراتتىق اگەنتتىگى 31 ارنانىڭ مالىمەتىنە سۇيەنىپ.

24 جاستاعى انجەليكانىڭ كوممەرسيالىق سەكسپەن اينالىسقانىنا بەس جىل بولدى. ول ەلوردالىق كليەنتتەردىڭ جومارت ەكەنىن ايتىپ،  ءار جاز سايىن استاناعا كەلەتىنىن دە جاسىرمادى.

«جاز كەزىندە استاناعا بارۋعا تىرىسام. بيىل ادەتتەگىدەن قيىن بولاتىن شىعار. ويتكەنى، ەكسپو بولعاندىقتان پوليسەيلەر كۇن سايىن تەكسەرىس جۇرگىزەدى. سوندىقتان ەكسپو-عا بيلەت الىپ، قوناق رەتىندە بارۋعا تىرىسامىز»، – دەيدى انجەليكا.

بۇگىنگى كۇنى 2000 جەزوكشە جيتس دەرتى ەسەبىندە تۇر. ولار جىل سايىن وزدىگىنەن تەكسەرۋدەن وتەدى ەكەن. انىقتاما العان سوڭ وزگە ايماقتارعا قىزمەت كورسەتۋگە اتتانادى،-دەپ مالىمدەدى  وقو جيتس-مەن كۇرەس جانە پروفيلاكتيكا ورتالىعىنىڭ ءبولىم مەڭگەرۋشىسى مارات سماعۇلوۆ.

شىمكەنتتىك جەزوكشەلەر وسىلايشا حالىقارالىق كورمەدە قىزمەت كورسەتۋگە دايىندالىپ جاتىر. جيتس ورتالىعى ءالى 300-گە جۋىق كوممەرسيالى سەكسپەن اينالىسۋشى قىزداردى تەكسەرۋى كەرەك.

شولۋشى: ايگەرىم تاۋباي