الماتى قالاسى الاتاۋ اۋدانىندا انتيسانيتارلىق جاعدايدا ءومىر ءسۇرىپ جاتقان از قامتىلعان وتباسى بار ەكەنى انىقتالدى دەپ حابارلايدى قامشى اقپاراتتىق اگەنتتىگى الماتى قالاسى ءىىد باسپا ءسوز قىزمەتىنە سىلتەمە جاساپ. 45 جاستاعى يۋ. ەسىمدى ازاماتشانىڭ ەكى بالاسى بار. ءبىرىنىڭ جاسى 10-دا، كىشىسى 7-دە. جالعىز باستى انا جۇمىسسىز. بالالارىنىڭ تاربيەسىنە كوڭىل بولمەيتىنى، ساباقتارىنا دەن قويمايتىنى، بالالارىنىڭ جاقسى ءومىر سۇرۋىنە ەشقانداي جاعداي جاسامايتىنى جانە ماتەريالدىق تۇرعىدا ولاردى قامتاماسىز ەتپەيتىنى بەلگىلى بولدى.

«ءۇيدىڭ ءىشى لاس، ىلعال، جاعىمسىز ءيىس شىعادى. جارىقتى تولەمەگەنى ءۇشىن ءوشىرىپ تاستاعان. بالالارىنا تاماق جاساپ، كيىمدەرى جۋىلماعانىنا ءبىراز ۋاقىت بولعان. قويعان سۇراقتارىمىزعا انىق جاۋاپ بەرمەيدى. تەك تۇزەلەتىنىن ايتىپ، اقتالۋدا. ارينە جالعىز باستى انالارعا ەر ادامنىڭ كومەگىنسىز بالالاردى جالعىز ءوسىرۋ قيىن.  الايدا بالالارعا ءدال بىلاي نەمقۇرايلى قاراۋ كەشىرىلمەس جاعداي» دەدى الاتاۋ اۋداندىق ءىىب پوليسيا پولكوۆنيگى ناركوزى بايمۇراتوۆا.

اناسىنا «بالالاردى تاربيەلەگەندە اتا-انالىق پارىزىن وتەمەگەنى ءۇشىن» حاتتاما تولتىرىلدى.  اناسى اتا-انا قۇقىعىنان ايىرىلۋى مۇمكىن.

شولۋشى: اسەم المۇحانبەت