قازاقستان مەن رەسەي «بايقوڭىرعا» قاتىستى ماسەلەلەردى تالقىلاپ، ءارى قاراي قولدانىلۋىن قاراستىردى. جاقىن ارادا ەكى ەل بىرىگىپ ورتاشا دەڭگەيلى زىمىران جاساپ شىعارۋعا كىرىسپك، دەپ جازدى قامشى اقپاراتتىق اگەنتتىگى.
روگوزيننىڭ ايتۋىنشا، قازاقستان مەن رەسەي "بايتەرەك" جوباسىنىڭ اياسىندا "بايقوڭىردى" بىرگە پايدالانۋ ماسەلەسىن قاراستىرادى.
قازاقستان سورە كەشەنىن رەكونسترۋكسيالاۋعا قاراجات جاعىنان قاتىسادى، سودان كەيىن زىمىراندى جاساپ شىعارۋ جۇمىسى باستالماق.
«بۇل ورتاشا دەڭگەيلى زىمىراننىڭ جەر وربيتاسىنداعى جۇك كوتەرگىشتىگى 17 تونناعا دەيىن جەتەدى جانە مۇندا "بايقوڭىرداعى" بۇرىنعى "زەنيت" زىمىرانىنىڭ سورە كەشەنىندەگى دايىنداما قولدانىلادى»، — دەدى روگوزين.
رف ۆيسە-پرەمەرى اتاپ وتكەندەي، مۇنداي زىمىراننىڭ جاساپ شىعارىلۋى رەسەيدىڭ عارىش سالاسىنداعى كوممەرسيالىق قىزمەت كورسەتۋلەر نارىعىندا باسەكەلەستىگىن ساقتاۋىنا جاردەمدەسەدى.
