كەشە، ياعني 22 مامىر كۇنى ورال قالاسىناعى كەڭەس وداعىنىڭ باتىرى مانشۇك مامەتوۆاعا ارناپ قويىلعان ەسكەرتكىش الىنىپ تاستالعان بولاتىن، دەپ حابارلايدى قامشى اقپاراتتىق اگەنتتىگى ۋرالسكايا نەدەليا باسىلىمىنا سىلتەمە جاساپ.

ەسكەرتكىشتىڭ الىنۋ سەبەبى – ونىڭ ورنىنا 138،5 ميلليون قاراجاتتى قۇرايتىن جاڭا ەسكەرتكىش ورناتىلادى ەكەن.

كوپ ۇزاماي بۇل الاڭدا «قازاق حالقىنىڭ باتىر قىزدارى» اتتى نۇرلان دالبايدىڭ جاڭا ەسكەرتكىشى قويىلادى.

مانشۇك مامەتوۆاعا ارناپ قويىلعان ەسكەرتكىشتىڭ بۇل جەردە تۇرعانىنا 30 جىلدان اساتام ۋاقىت بولدى.

ەسكەرتكىشتى ورنىنان الۋ كەزىندە جۇمىسشىلار ونىڭ استىنان ىشىندە قاعاز بار بوتەلكە تاۋىپ العان. وندا ەسكەرتكىشتى ورناتقانداردىڭ ەسىمدەرى جازىلعان ەكەن.

بقو تاريحي-مادەني ينسپەكسياسىنىڭ ديرەكتورى تالعات جۇسىپقالييەۆتىڭ ايتۋىنشا، كوميسسيا قۇرامى ەسكەرتكىشتى تەكسەرۋ بارىسىندا تەحنيكالىق اقاۋلار مەن سىنىقتاردى تاپقان.

سونىڭ سالدارىنان ەسكەرتكىشتى قالپىنا كەلتىرۋ جايلى شەشىم قابىلدانعان. الايدا بۇل ەسكەرتكىشتى قايتادان بۇل ورنىنا ەمەس بقو-نىڭ باسقا اۋداندارىنىڭ بىرىنە ورنالاستىرادى.

اۋدارعان: نازەركە لابيحان