ق ر اقپارات جانە كوممۋنيكاسيا ءمينيسترى داۋرەن ابايەۆ ب ا ق وكىلدەرىنىڭ ەڭبەگىن ەسكەرىپ، باسپا، راديو جانە ينتەرنەت جۋرناليستيكا سالىسىنا ارنالعان تۇڭعىش ۇلتتىق «ۇركەر» سىيلىعىن جاريالاعان.

7 مامىر كۇنى باسپا ءسوز، راديو جانە ينتەرنەت جۋرناليستيكا سالاسىنا ارنالعان «ۇركەر-2017» ۇلتتىق سىيلىعىنا وتىنىشتەر قابىلدانا باستادى. 

سىيلىق قۇرىلتايشىسى قازاقستان رەسپۋبليكاسى اقپارات جانە كوممۋنيكاسيالار مينيسترلىگى. ۇيىمداستىرۋشى - «قازكونتەنت» اق.

سىيلىقتىڭ نەگىزگى ماقساتى – تالانتتى جۋرناليستەر مەن شىعارماشىلىق ۇجىمداردى انىقتاۋ، ولاردىڭ جۋرناليستيكا سالاسىن دامىتۋعا قوسقان ۇلەسىن سارالاۋ جانە كوپشىلىك نازارىن جۋرناليستەر مەن شىعارماشىلىق ۇجىمدارىنا اۋدارۋ.

سىيلىق مىنا اتالىمدار بويىنشا بەرىلەدى:

1) ۇزدىك فوتوسۋرەت؛

2) ۇزدىك رەپورتاج؛

3) ۇزدىك تالدامالىق ماتەريال؛

4) ۇزدىك جۋرناليستىك زەرتتەۋ؛

5) ۇزدىك سۇحبات؛

6) قازاقستان تۋرالى ۇزدىك تانىمدىق ماتەريال؛

7) ۇزدىك حالىقارالىق تالدامالىق ماتەريال؛

8) جۋرناليستيكاداعى دەبيۋت؛

9) ۇزدىك راديوباعدارلاما؛

10) ۇزدىك وڭىرلىك راديوستانسيا؛

11) ۇزدىك وڭىرلىك مەرزىمدى باسىلىم؛

12) ۇزدىك مامانداندىرىلعان مەرزىمدى باسىلىم؛

13) ۇزدىك جىل جۋرنالى؛

14) قازنەتتەگى مەدياسەرپىلىس؛

15) ۇزدىك رەسپۋبليكالىق مەرزىمدى باسىلىم.

بايقاۋعا جۋرناليستيكانى كاسىپ ەتكەن، باسپاسوزدە، ينتەرنەت-سايتتا نەمەسە راديوارنادا جاريالانىپ، نەمەسە، ەڭبەك ەتىپ جۇرگەن كەز-كەلگەن مامان قاتىسا الادى.

ۇمىتكەرلەر ۇسىنعان دۇنيەلەردى بەلگىلى قوعام قايراتكەرلەرى، زيالى قاۋىم وكىلدەرى مەن كاسىبي مامان جۋرناليستەردەن قۇرالعان قازىلار القاسى ساراپقا سالادى.

لاۋرەاتتار ەستەلىك مۇسىنشە مەن قوماقتى قارجىلاي سىيلىققا يە بولادى. 

بايقاۋعا قاتىسۋ تۋرالى وتىنىشتەر ەلەكتروندىق تۇردە (قوسىمشاداعى فورماعا سايكەس تولتىرىلىپ، قول قويىلعان سكان-نۇسقاسىمەن) ءوزىن-وزى ۇسىنۋ فورماتىندا el.kz ينتەرنەت-رەسۋرسىنداعى ارنايى بولىمدە نەمەسە urker@el.kz ەلەكتروندىق پوشتاسى ارقىلى قابىلدانادى.