قيىر شىعىستا امۋر وبلىسى ۋشۋمۋن اۋىلىنىڭ جاسوسپىرىمدەرى لەنيننىڭ ەسكەرتكىشىنە زاقىم كەلتىرگەن دەپ حابارلايدى قامشى اقپاراتتىق اگەنتتىگى lenta.ru-عا سىلتەمە جاساپ.
19 مامىر پيونەرلەر كۇنىندە ەكى مەكتەپ وقۋشىسى قولدارىنا تاياق تارىزدەس زاتتاردى الىپ ەسكەرتكىشتىڭ اياعىن، قولىن سىندىرعان.
جەتكىنشەكتەر ءوز كىنالارىن مويىنداپ، بۇل ارەكەتكە لەنيننىڭ پىكىرلەرى مەن ساياساتىمەن كەلىسپەيتىندىكتەن بارعاندارىن ايتقان. وقۋشىلار وقيتىن مەكتەپتىڭ ديرەكتورى ولاردىڭ مەكتەپتەگى ۇلگىلى وقۋشىلاردىڭ ءبىرى بولعاندىقتارىن جەتكىزگەن. مەكتەپ وقۋشىلارى ءوز كەزەگىندە ەسكەرتكىشتى قايتا قالپىنا كەلتىرۋگە دايىن ەكەندىكتەرىن ءبىلدىردى.
ۋشۋمۋنداعى لەنين ەسكەرتكىشى 1939 جىلى ورناتىلعان. ول جەرگىلىكتى ونەر تۋىندىلارىنىڭ نەگىزگى وبەكتىسى بولىپ سانالادى.
شولۋشى: نازەركە مۇسا
