43 جاستاعى شۆەسيا ازاماتى اتىراۋ ارقىلى كاسپيي تەڭىزىن كورۋ ءۇشىن تۇيەمەن ءمىنىپ جولعا شىققان، دەپ حابارلايدى قامشى اقپاراتتىق اگەنتتىگى موي گورود باسىلىمىنىڭ مالىمەتىنە سۇيەنىپ.

 جيھانكەز كاسپييدەن سوڭ  استاناعا ات باسىن تىرەمەكشى. جۇرگەن جولىنىڭ بارلىعىندا ساياحاتشى جانىنا قوس وركەشتى تۇيەنى سەرىك ەتكەنى ءمالىم بولىپ وتىر.

كريستيان بودەگرەن ەسىمدى شۆەد ازاماتى ءتورت تۇلىكتىڭ ءبىرىن ءمىنىپ قازاقستاندى ارالاپ جۇرگەنىنە 8 اي بولىپتى.  وسى ۋاقىتا دەيىن قازاق جەرىندەگى ءتورت كليماتپەن تانىسىپ ۇلگەرگەن. قىزىققا تولى ساپارىن ساياحاتشى الماتى وبلىسى لەپسى اۋدانىنان باستاعان.

«كوشپەلىلەردىڭ كۇيىن باستان وتكەرىپ، جىبەك جولىمەن ءجۇرىپ ءوتتىم. ەندى كاسپيي تەڭىزىن كورسەم دەگەن جوسپارىم بار. بۇرىندارى قازاق حالقىنىڭ قوناقجايلىعى جايىندا ازداپ حاباردار ەدىم. وسى ساپارىمنىڭ بارىسىندا قازاقستاندىقتاردىڭ قوناقجاي حالىق ەكەنىنە كوزىم جەتتى. مەن وسىلاي ءار ەلگە ساياحات جاساپ ، باسىمنان وتكىزگەن وقيعالار مەن العان اسەرىممەن كوپشىلىكپەن بولىسەمىن. قازاقستاننان العان اسەرىممەن وزگەلەرمەن بولىسۋگە اسىقپىن»، دەپ مالىمدەدى كريستيان.

جىبەك جولىنا ساپارعا شىقپاس بۇرىن ساحارا مەن موڭعولياعا بولعانىن دا ايتىپ ءوتتى.

كريستيان كاسپيي تەڭىزىن كورگەنننەن كەيىن ەلورداعا ساپارعا شىعۋدى جوسپارلاپ وتىر. ءبىراق استاناعا قوس وركەشتى جانۋارمەن ەمەس كولىكپەن بارماق. 7 شىلدەدە بودەگرەن استاناداعى Art Fest فەستيۆالىنە قاتىسادى. فەستيۆالدە كوشپەندىلەردىڭ ءومىرى جايلى ءوزىنىڭ ءفيلمىن  كورسەتۋدى جوسپارلاپ وتىر. 

شولۋشى: ايگەرىم تاۋباي