ەلباسى ءباا سىرتقى ىستەر ءمينيسترى شەيح ابداللا بەن زايد ءال ناحايانمەن كەزدەستى

    Gulim Zhaqan
    ەلباسى ءباا سىرتقى ىستەر ءمينيسترى شەيح ابداللا بەن زايد ءال ناحايانمەن كەزدەستى

    مەملەكەت باسشىسى ءباا سىرتقى ىستەر مينيسترىنە ساتتىلىك تىلەپ، ەلدەرىمىز اراسىنداعى بايلانىستاردىڭ قارقىندى دامىپ كەلە جاتقانىن اتاپ ءوتتى، دەپ حابارلايدى قامشى اقپاراتتىق اگەنتتىگى اقورداعا سىلتەمە جاساپ.

    – ءسىز ءبىزدىڭ ەلگە رەسمي ساپارمەن قازاقستان مەن بىرىككەن اراب امىرلىكتەرى اراسىنداعى ديپلوماتيالىق قارىم-قاتىناستىڭ ورناعانىنا 25 جىل تولۋىنا وراي كەلىپ وتىرسىز. بۇگىن استانادا بىرلەسكەن بيزنەس-فورۋم ءوتىپ جاتىر. بيىل مەن اراب امىرلىكتەرىندە ەكى رەت بولدىم. شەيح مۇحاممەد بەن زايد ءال ناحايانمەن سوڭعى كەزدەسۋىمىزدە كوپتەگەن ماسەلەلەر بويىنشا ۋاعدالاستىققا قول جەتكىزدىك، – دەدى قازاقستان پرەزيدەنتى.

    نۇرسۇلتان نازاربايەۆ ەكىجاقتى بايلانىستاردى نىعايتۋدىڭ ماڭىزدىلىعىنا توقتالىپ، بيىلعى جىل ەكى ەل اراسىنداعى ىنتىماقتاستىقتىڭ جاڭا كەزەڭىنىڭ باستاۋى بولاتىنىنا سەنىم ءبىلدىردى.

    – ءوزارا سەنىم مەن  باۋىرلاستىققا نەگىزدەلگەن ءبىزدىڭ قارىم-قاتىناسىمىز – باسقالارعا ۇلگى. مۇنى ودان ارى دامىتۋعا بار كۇش-جىگەرىمىزدى سالۋعا ءتيىسپىز، – دەدى مەملەكەت باسشىسى.

    ابداللا بەن زايد ءال ناحايان ەكىجاقتى ءوزارا ءىس-قيمىل بارىسىنا كوڭىلى تولاتىنىن، ونى جاڭا دەڭگەيدە نىعايتا ءتۇسۋ قاجەتتىگىن اتاپ ءوتتى.

    سونداي-اق، ءباا سىرتقى ىستەر ءمينيسترى ساۋد ارابياسى كورولدىگىندە وتكەن ءسامميتتىڭ تابىستى بولعانىن ايتىپ، سونىڭ اياسىندا قازاقستان پرەزيدەنتىنىڭ ءابۋ-دابيدىڭ تاق مۇراگەرى، شەيح مۇحاممەد بەن زايد ءال ناحايانمەن اڭگىمەلەسكەنىن ەسكە سالدى. 

    قاتىستى ماقالالار