«حالىق بانكى» اق  مەن «قازكوممەرسبانك» اق اراسىندا ساتۋ-ساتىپ الۋ تۋرالى كەلىسىم جاسالىپ جاتىر. بۇل تۋرالى بۇگىن الماتىدا وتكەن باسپا ءسوز ءماسليحاتى بارىسىندا ق ر ۇلتتىق بانكىنىڭ ءتوراعاسى  دانيار اقىشيەۆ ايتتى، دەپ جازدى قامشى اقپاراتتىق اگەنتتىگى. 

«قازىرگى تاڭدا ەكى بانك اراسىنداعى ءوزارا مەموراندۋمعا سايكەس ءبىرقاتار شارالار جۇزەگە اسىپ جاتىر. اتاپ ايتقاندا، اكتيۆتەردىڭ ساپاسىن كەشەندى تەكسەرۋ  (due diligence) ءجۇرىپ جاتىر. ساتۋ، ساتىپ الۋ تۋرالى كەلىسىمشارت جانە  باسقا دا قاجەتتى قۇجاتتار جاسالۋ ۇستىندە»، - دەدى د.اقىشيەۆ.

ونىڭ ايتۋىنشا، اتالعان مامىلەنىڭ جۇزەگە اسۋى ەكى جاقتىڭ ماماندارىنىڭ بىرىككەن جۇمىسىنا بايلانىستى بولماق.

ايتا كەتەيىك، وسىعان دەيىن حالىق بانكى قازكومدى ساتىپ الۋ نيەتتە ەكەنىن جازعان بولاتىنبىز. بۇل جايىندا «قازاقستان حالىق بانكى» اق باسقارما ءتوراعاسى ءۇمىت شاياحمەتوۆا ايتقان بولاتىن.

شولۋشى: گۇلىم جاقان