شىمكەنتتە اناسىنان اياۋسىز تاياق جەگەن جەتى جاسار بالا مۇگەدەك بولىپ قالدى دەپ حابارلايدى قامشى اقپاراتتىق اگەنتتىگى otyrar.kz-كە سىلتەمە بەرىپ. جاراقاتتىڭ اۋىر بولعانى سونشالىقتى، ونىڭ ميى ءىسىپ، باسىنا زاقىم كەلگەن. دارىگەرلەر ناۋقاس بالاعا شۇعىل تۇردە وتا جاساپ، ونىڭ ءومىرىن امان الىپ قالدى. ءقازىر بالعىن وبلىستىق بالالار اۋرۋحاناسىنىڭ جانساقتاۋ بولىمىندە جاتىر. جيىرما كۇننەن بەرى ەسىن جيماعان بالانىڭ جاعدايى ءالى كۇنگە دەيىن اۋىر.

مۇحتار ءابدىقادىروۆ، دارىگەر: “بالا اۋرۋحاناعا تۇسكەندە دەنەسىنەن كوگەرگەن ىزدەر، ىسىك بايقادىق. سونداي-اق، بەتى مەن موينى كۇيگەن. نەگىزى، بالا 2 مامىر كۇنى ورداباسى اۋداندىق اۋرۋحاناسىنا تۇسكەن. العاش تۇسكەن كەزىندە ساناۆياسيا قىزمەتىمەن بارىپ، بالانىڭ جاعدايىن باقىلاعانبىز. بالا وزدىگىنەن دەم الا الماي، اپپاراتتا جاتتى. كەيىن جاعدايى ناشارلاپ، 9 مامىر كۇنى بالانىڭ باسىنا وتا جاسادىق. قاتتى جاراقاتتىڭ سالدارىنان ميى ءىسىپ كەتكەن. وتا كەزىندە ميداعى ءقاۋىپتى قايتاردىق. ءبىراق، بالا مۇگەدەك بولاپ قالادى.”

وسى جاعدايعا بايلانىستى تەرگەۋ جۇمىستارىن جۇرگىزىپ جاتقان قۇزىرلى ورگان وكىلدەرى اناسى بالاسىنا قورلىق كورسەتىپ، ءولىمشى ەتىپ ساباپ تاستاعان دەيدى. ءقازىر وسى فاكتىگە بايلانىستى تەكسەرۋ جۇمىستارى جۇرگىزىلۋدە.