بۇگىن سەناتتىڭ كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ وتىرىسىندا «قازاقستان رەسپۋبليكاسى مەن رەسەي فەدەراسياسى اراسىنداعى ق ر ازاماتتارىنىڭ رف اۋماعىندا جانە رف ازاماتتارىنىڭ ق ر اۋماعىندا بولۋ ءتارتىبى تۋرالى كەلىسىمدى راتيفيكاسيالاۋ تۋرالى» جانە «قازاقستان رەسپۋبليكاسىنىڭ ۇكىمەتى مەن شۆەيساريا فەدەرالدىق كەڭەسى اراسىنداعى رۇقساتسىز بولاتىن ادامداردىڭ رەادميسسياسى تۋرالى كەلىسىمدى راتيفيكاسيالاۋ تۋرالى» زاڭ جوبالارى تالقىلاندى، دەپ حابارلايدى BNews.kz.

قازاقستان مەن رەسەي اراسىنداعى كەلىسىمگە 2010 جىلى استانادا قول قويىلعان. «قازاقستان كەدەن وداعى مەن ءبىرىڭعاي ەكونوميكالىق كەڭىستىك شەڭبەرىندە ەكونوميكالىق ينتەگراسيانى ودان ءارى دامىتىپ جاتىر. راتيفيكاسياعا جاتاتىن وسى قۇجات ەكى ەل اۋماعىندا بولۋ ءتارتىبىن جەڭىلدەتىپ، كورشىلەس مەملەكەتتەر ازاماتتارىنىڭ 30 كۇن ىشىندە تىركەلمەي جۇرۋىنە مۇمكىندىك بەرەدى. رەسەي مەن بەلارۋس، سونداي-اق قازاقستان مەن بەلارۋس اراسىندا وسىنداي كەلىسىمدەر جاسالدى»، - دەدى ق ر ىشكى ىستەر ءمينيسترىنىڭ ورىنباسارى ەرلان تۇرعىمبايەۆ.  ۆيسە-مينيستر اتاپ وتكەندەي، بۇل كەلىسىم ەكى ەل ازاماتتارى ءۇشىن تەڭ تالاپتارمەن جۇزەگە اسىرىلادى.  دەپۋتاتتار زوڭ جوبالارىن قولدادى، ەندى ولار سەناتتىڭ جالپى وتىرىسىندا قارالاتىن بولادى.

قامشى-اقپارات