ۇلىبريتانيا گازەتى «The Independent» ورازا ۇستاۋ قيىنعا سوعاتىن ەلدەردى اتاپ كورسەتتى. باسىلىمنىڭ اقپاراتى بويىنشا، بيىلعى قاسيەتتى ايدا شامامەن 1،6 ميلليارد ادام ورازا ۇستايدى ەكەن، بۇل دەگەنىمىز الەم حالىقتارىنىڭ  22%، دەپ حابارلايدى قامشى اقپاراتتىق اگەنتتىگى Muslim.kz سايتىنا سىلتەمە جاساپ.

جاز ايلارىندا كەيبىر ەلدەردە، سونىڭ ىشىندە لاپلانديادا، فينليانديادا جانە شۆەسيادا كۇن ۇنەمى شىعىپ تۇرۋى مۇمكىن، كەيدە 1 ساعاتقا عانا كۇن ۇياسىنا باتادى ەكەن. اتالمىش باسىلىم رامازان كەزىندە كۇن 55-اق مينۋتقا باتاتىن سولتۇستىك فينليانديادا تۇراتىن وتباسىمەن اڭگىمەلەسىپ قايتقان. +

«ءبىزدىڭ ورازامىز تاڭعى 1:35-تە باستالىپ، تۇنگى 12:48-دە بىتەدى. وسىلايشا، ورازامىز 23 ساعات 5 مينۋتقا سوزىلادى. مەنىڭ بانگلادەشتە تۇراتىن دوستارىم مەن تۋىستارىم ءبىزدىڭ ورازامىزدىڭ 20 ساعاتتان ارتىق بولاتىنىنا سەنە المايدى»، - دەدى جانۇيا وتاعاسى موحاممەد.

دەگەنمەن، ونىڭ ايتۋىنشا، كورشى ەلدەردەگى مۇسىلماندار وسىنداي جاعدايلارعا بەيىمدەلىپ العان. مىسالى، لاپلانديادا تۇراتىن مۇسىلماندار وزدەرىنە جاقىن ورنالاسقان مۇسىلمان ەلى – تۇركيانىڭ ورازا ۇستاۋ ۋاقىتىمەن جۇرەدى ەكەن.