ۇلىنىڭ مەكتەپ ءبىتىرۋ كەشىن دۋبايدا ۇيىمداستىرماق بولعان فيلادەلفيا تۇرعىنى «دۋبايدى» اقش-قا اكەلۋگە تىرىستى. اناسى بالاسىنىڭ سالتاناتتى كەشىنە تۇيە مەن 3 توننا قۇم جانە بىرنەشە كولىكتى جالداعان، دەپ جازادى قامشى اقپاراتتىق اگەنتتىگى 24.kz مالىمەتىنە سۇيەنىپ.
ساۋديا شۋلەردىڭ ۇلى مەكتەپ ءبىتىرۋ كەشىنە 3 ارۋمەن كەلگەن. بۇعان قوسا ول كەش بويى ءۇش رەت كيىم اۋىستىرىپ، جۇرتقا ءتۇرلى كوستيۋمدارىن كورسەتىپ ماقتانعان. اناسى اقشاسىنىڭ شاشىلعانىنا ەش وكىنبەيدى ەكەن. شۋلەردىڭ ايتۋىنشا، ول جاقىندا عانا قاتەرلى ىسىك اۋرۋىنان ايىعىپ شىققان. «قولىمنان كەلسە، بالام ءۇشىن ەستەن كەتپەيتىن كەرەمەت كەش ۇيىمداستىرىپ بەرەمىن دەپ وزىمە ءسوز بەرگەنمىن»، – دەيدى امەريكالىق ايەل.
شولۋشى: الميرا اسلانوۆا
