قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى مەملەكەتتىك ءتىل ساياساتىن بۇقارالىق اقپارات قۇرالدارىندا ناسيحاتتاۋ بەلسەندىلىگىن ارتتىرۋ ماقساتىندا بايلانىس جانە اقپارات قىزمەتكەرلەرى كۇنىنە وراي 2017 جىلدىڭ  16 ماۋسىمدا «مەملەكەتتىك ءتىل جانە ب ا ق» رەسپۋبليكالىق كونكۋرسىنىڭ جەڭىمپازدارىن سالتاناتتى ماراپاتتاۋ ءراسىمىن وتكىزەدى.

وتەتىن ورنى: استانا قالاسى، «قازانات» يپپودرومى اۋماعىنداورنالاسقان «ەتنواۋىل» ۇلتتىق-مادەني كەشەنى.

          كونكۋرستىڭ ەرەجەسىنە سايكەس 2016 جىلعى 10 ماۋسىم مەن 2017 جىلعى 5 ماۋسىم ارالىعىندا جۋرناليستەردىڭ ەل اۋماعىنداعى بۇقارالىق اقپارات قۇرالدارىندا جاريالانعان مەملەكەتتىك ءتىلدىڭ قىزمەت ەتۋ اياسىن كەڭەيتۋ، مارتەبەسىن كوتەرۋ جانە قازىرگى مەملەكەتتىك ءتىلدىڭ احۋالى تۋرالى ماقالالارى، ەفيرگە شىققان حابار مەن باعدارلامالارى «ۇزدىك ماقالا»، «ۇزدىك تەلەباعدارلاما»، «ۇزدىك راديوباعدارلاما»، «ۇزدىك سايت ماقالاسى» نوميناسيالارى بويىنشا باعالانادى.

كونكۋرسقا كەلىپ تۇسكەن ماتەريالداردى ەلىمىزگە بەلگىلى قالامگەر، جۋرناليستەردەن قۇرىلعان ارنايى قازىلار القاسى ساراپتاپ، جەڭىمپازداردى انىقتايدى.

ايتا كەتەيىك، اعىمداعى جىلى جۋرناليستەر تاراپىنان 100-دەن اسا ماتەريال ۇسىنىلدى.

          ماراپاتتاۋ ءراسىمى قازاقستان رەسپۋبليكاسى مادەنيەت جانە سپورت ءمينيسترى ارىستانبەك مۇحامەدي ۇلىنىڭ قۇتتىقتاۋ سوزىمەن اشىلادى.
ءىس-شاراعا قازاقستان رەسپۋبليكاسى پارلامەنتىنىڭ دەپۋتاتتارى، زيالى قاۋىم، بۇقارالىق اقپارات قۇرالدارى وكىلدەرى، كونكۋرستىڭ جۇلدەگەرلەرى جانە ت.ب. قاتىسادى. سالتاناتتى شارادا ەسترادا جۇلدىزدارى مەن ءداستۇرلى انشىلەر ونەر كورسەتەدى.