كەيبىر ادامداردىڭ ادەپسىزدىگى جاعا ۇستاتادى. ءجون-جوسىقسىز بىرەۋدىڭ ومىرىنە ارالاسىپ، سۇراقتارمەن مازالاۋ دا كەيبىر ادامداردىڭ ادەتىنە اينالعان.

امەريكاندىق دجەيد حيۋگس 23 جاستا. 17 جاسىندا ول اسقازان مەن ىشەك قۇرىلىستارىنىڭ دەرتىنە شالدىققاندىعى بەلگىلى بولدى. اسقازان اۋرۋى ءومىر سۇرۋگە مۇمكىندىك بەرمەگەن سوڭ ول ىشەگىنىڭ ءبىر بولىگىن وتا ارقىلى الىپ تاستاۋ كەرەك بولعان. سودان بەرى دجەيد وزىمەن بىرگە كىشكەنە قاپشا ۇستاپ جۇرۋگە ءماجبۇر. ول قاپشىققا  بارلىق تاماق قالدىقتارى بارادى. سول ارقىلى ول ءوزىنىڭ ءومىرىن ءبىر قالىپتا ۇستايدى.

«بۇل وتا مەنىڭ ءومىرىمدى تولىق وزگەرتىپ جىبەردى. ەندى مەن قايدا بارماسام دا وزىممەن بىرگە قاپشانى، مايلىق، ورامال الىپ ءجۇرۋىم كەرك»-دەيدى قىز.

بىردە دجەيد باسسەينگە شومىلماقشى بولعان كەزدە قاسىنا بەيتانىس ايەل كەلىپ ىشىنەن شىعىپ تۇرعان قاپتى كورىپ قىزدىڭ كەتۋىن سۇراعان. «باسسەينگە وسىلاي كەلۋگە بولادى دەپ ويلايسىڭ با؟ بالالارلى قورقىتاسىڭ»-دەگەن بوتەن ايەل. ءتىپتى ول قۇتقارۋشىلاردى شاقىرىپ  دجەيدتى الىپ كەتۋدى سۇراعان. الايدا قۋانىشقا وراي قۇتقارۋشى ادام دجەيدىڭ جاعدايىنا تۇسىنىستىكپەن قاراعان.

سۋعا تۇسەردە دجەيد قاپ كورىنبەيتىندەي شومىلۋ كيىمىن كيەتىن. الايدا سول كەزدە ءوزىنىڭ دەنەسىن جاۋىپ تۇراتىن كوستيۋمى جۋىلىپ كەپپەي قالعان ەكەن.

دجەيد: الگى ايەل مەنىڭ باسىمنان قانداي جاعدايلاردىڭ وتكەنىن بەلمەدى، تۇسىنە دە المايدى. بۇل قاپ مەنىڭ ءومىرىمدى قالىپتا ۇستاۋعا كومەكتەسەدى. اعزاما ينفەكسيانىڭ كىرىپ كەتپەۋىن قاداعالايدى. باسقالاردىڭ مەن تۋرالى نە ويلايتىنىنا ماعان ءبارىبىر»-دەيدى قىز.

جاقىن ارادا دجەيدكە تاعى دا وتا جاسالماقشى. وسى ورايدا ادامداردىڭ قاتىگەزدەنىپ كەتۋى مەن باسقالار تۋرالى ەشتەڭەگە كوز جەتكىزبەي جاتىپ كىنالاۋى بۇرىس قاسيەت ەكەنىن ايتا كەتكەن ءجون.

شولۋشى: سابينا رامازان