بۇۇ باس حاتشىسى انتونيۋ گۋتەرريش ورتالىق ازيا ەلدەرىنە - قازاقستان، وزبەكستان، قىرعىزستان، تاجىكستان جانە تۇركىمەنستانعا ىس-ساپارمەن بارادى. بۇل جايىندا بۇۇ جاڭالىقتار ورتالىعى حابارلايدى، دەپ جازادى قامشى اقپاراتتىق اگەنتتىگى.

8−9 ماۋسىمدا گۋتەرريش استانادا بولىپ، قازاقستان پرەزيدەنتى نۇرسۇلتان نازاربايەۆپەن كەزدەسىپ، شانحاي ىنتىماقتاستىق ۇيىمىنىڭ سامميتىنە قاتىسادى.

10 ماۋسىمدا بۇۇ باس حاتشىسى سامارقانعا بارىپ، وزبەكستان پرەزيدەنتى شاۆكات ميرزيايەۆپەن بىرگە تۇراقتى دامۋ جونىندەگى ۇلتتىق فورۋمنىڭ اشىلۋىنا قاتىسادى. وسى كۇننىڭ ەكىنشى جارتىسىندا گۋتەرريش قاراقالپاقستانداعى ارال ماڭى اۋدانىنا بارادى. وندا ول ارال تەڭىزىنىڭ جاعدايىن تىكۇشاقپەن ارالاپ كورەدى.

11 ماۋسىمدا بۇۇ باسشىسى بىشكەككە بارىپ، قىرعىزستان پرەزيدەنتى المازبەك اتامبايەۆپەن كەزدەسەدى. ودان كەيىن وشقا بارىپ، 2010 جىلداعى قايعىلى ماۋسىم وقيعاسىن ەسكە الۋ شاراسىنا قاتىسادى.

12 ماۋسىمدا انتونيۋ گۋتەرريش تاجىكستانعا، 13 ماۋسىمدا تۇركىمەنستانعا بارىپ، ەل پرەزيدەنتتەرىمەن كەزدەسەدى. دۋشانبەدە ول تۇراقتى دامۋ جونىندەگى كونفەرەنسيادا ءسوز سويلەپ، اشحابادتا ورتالىق ازياداعى تەرروريزمگە قارسى كۇرەس شاراسىنا قاتىسادى.