تۋريستەرگە تانىمال تاراز بەن تۇركىستان تمد-داعى تاريحي قالالار تىزىمىنە ەندى. تۇركىستان قالاسى رەيتينگ بويىنشا كوشتى باستاپ، ءبىرىنشى ورىندا تۇر. بۇل تۋرالى قامشى اقپاراتتىق اگەنتتىگى capital.kz-كە سىلتەمە جاساپ حابارلايدى. تمد ەلدەرىنىڭ ىشىندە ساياحاتشىلار اراسىندا ەڭ تانىمال تاريحي  قالالاردى تۋرستات اناليتيكالىق اگەنتتىگى انىقتادى.

تۋريستەر كەلەتىن ەڭ كونە تاريحي قالالار ۇلى جىبەك جولىنىڭ بويىندا ورنالاسقان.

تمد حالقىنا تانىمال تاريحي 10 قالا:

1 . تۇركىستان (قازاقستان)

2 . سامارقان (وزبەكستان)

3 . بۇحارا (وزبەكستان)

4 . تاراز (قازاقستان)

5 . گيانجا (ءازىربايجان)

6. ۆيتەبسك (بەلورۋسسيا)

7 . حيۋا (وزبەكستان)

8. گيۋمري (ارمەنيا)

9 . حۋدجاند (تاجىكستان)

10 . مارى (تۇركىمەنستان)

ايتا كەتسەك، وڭتۇستىك قازاقستان وبلىسىنا كەلەتىن تۋريستەردىڭ سانى 30 %-عا ارتقان. سونىمەن قاتار رۋحاني استانانىڭ تۋريستەردى قابىلدايتىن ورىندارى دا كۇن ساناپ ارتىپ كەلەدى. وتكەن جىلى اتالعان ورىنداردىڭ سانى 167ء-نى قۇراعان.  اعىمداعى جىلدا جەرگىلىكتى بيلىك وكىلدەرىنىڭ ايتۋى بويىنشا ءتۋريزمدى دامىتۋ 4 باعىت بويىنشا جۇرگىزىلۋدە.  ولار: تۋريستىك ءيميدجدى جىلجىتۋ، قىزمەت كورسەتۋدى دامىتۋ، ءتۋريزمدى دامىتۋدىڭ سيستەمالىق جاعى جانە ينفراقۇرىلىمدى دامىتۋ.

شولۋشى: ايگەرىم تاۋباي