قازاق حاندىعىنىڭ قۇرىلعانىنا، قازاق مەملەكەتىنىڭ ىرگە تاسى قالانعانىنا 550 جىل، ەل بولىپ تويلاۋعا ەلباسى بۇيرىق بەردى، دايىندىقتى باستاۋدى تاپسىردى. مۇمكىن بولاشاقتا قازاق تاريحىن ودان ۇزاققا سوزاتىن دالەلدەپ بۇدان ۇلكەن ۇلان اسىر توي بولاتىن شىعار، ءبىراق، ءدال ءقازىر بۇيرەكتەن سيراق شىعارماڭدارشى. ءبىز بەس عاسىردان ۇزاق ءومىر سۇرگەن ەلمىز دەيتىن قۋانىشتى بولمايتىن كورسوقىرلىقپەن، ايتەۋ سىناۋ كەرەك دەگەن جەلەۋمەن سىناي بەرمەيىك. كەرەي مەن جانىبەك كوتەرگەن مەملكەتتىڭ نەگىزى مويىندالسا، الەم جاس ەل ەمەس ەكەنىمىزدى، مىقتى تاريحىمىز بار ەكەنىن ءبىلىپ، پۋتين سەكىلدىلەردىڭ اۋزى جابىلسا تاريح ءبارى ءبىر ورنىنا كەلەر، اۋىسقان بىرەر جىل دالەلدەنىپ تولىقتانار. ايتپەسە، بەدەلىمىز ءجۇز ەسە ەسەلەنىپ، كۇشىمىز سان ەسە ارتىپ جاتسا تاريحتى توميريس پەن اتتيلا پاتشادان دا باستاپ الارمىز. تەك قازىرشە ەل دۇشپاندارىنىڭ اۋزىنا قۇم قۇيىپ، تاريحىمىزدى 23 جىل ەمەس، بەس جارىم عاسىرعا سوزىپ تويلاپ الايىق. سىنايتىن جۇرت تابىلار ءبىراق، ءوزىمىز بۇرا تارتىپ سىناعاندى، ونبەس ىسكە جىلاعاندى توقتاتايىق. قايتا جەر شارىنداعى بار قازاققا ساۋىن ايتىپ، ۇلان اسىر تويدى ۇلت بولىپ ۇيىسىپ، ەل بولىپ بىرىگىپ وتىرىپ تويلاۋدى ويلايىق! توي-تويعا ۇلاسسىن! ات-اتاعىمىز قىر اسسىن! شەتتەگى قازاعىمىز ورالىپ، 550 جىلدىق ەلدىڭ ءتولقۇجاتىن السىن!
اياتجان احمەتجان،
(Facebook-تەگى پاراقشاسىنان)
“قامشى” سىلتەيدى
