پاستەرەللەزدەن مال جاپپاي قىرىلىپ جاتقان نۇرا اۋدانىندا تج رەجىمى ارەكەت ەتۋدە، دەپ حابارلادى inform.kz.  اۋدان اكىمى نيقانباي ومارحانوۆتىڭ مالىمەتىنە سايكەس، مىڭبايەۆ اۋىلىنىڭ كىرەبەرىسى مەن شىعابەرىسىنە كولىكتەر مەن ازاماتتار ءۇشىن زالالسىزداندىراتىن توسقاۋىلدار بەلگىلەندى. رەسمي دياگنوز ازىرگە انىقتالعان جوق. اۋدان اكىمىنىڭ ايتۋىنشا، ەكى باستى مىندەت - اۋرۋدىڭ تارالۋىن توقتاتۋ، ينفەكسيا كوزىن انىقتاۋ.  «مىڭبايەۆ اتىنداعى اۋىلدا 1 ماۋسىمدا بۇزاۋ اۋىرىپ، سول كۇنى ءولىپ قالعان.

جاعداي تۋرالى اقپارات بىردەن وبلىسقا   جەتكىزىلدى. 2 ماۋسىمدا ۆەتەريناريالىق ينسپەكسيا جانە ۆەتەريناريا باسقارماسى باسشىلارىنىڭ جەتەكشىلىگىمەن ماماندار كەلدى. بۇدان باسقا، اۋىلعا مالداردى قاراۋ ءۇشىن ۆەتەرينارلىق قىزمەتتەن بريگادا جىبەرىلدى. قان تالداۋى مەن پاتماتەريالدار زەرتحانادا زەرتتەلۋدە. ناتيجەسى دايىن بولعانشا، الدىن الۋ رەتىندە مالدارعا انتيبيوتيك ەگىلىپ جاتىر. سونداي-اق ۆەتپرەپاراتتارمەن، زالالسىزداندىراتىن قۇرالدارمەن مالداردى وڭدەۋ جۇمىساردى جۇرگىزىلدى»، - دەدى اۋدان باسشىسى ن. ومارحانوۆ.