ميانمادا اسكەري ۇشاق اپاتقا ۇشىرادى، دەپ حابارلايدى قامشى اقپاراتتىق اگەنتتىگى AirLive مالىمەتىنە سۇيەنىپ. ەستەرىڭىزگە سالا كەتسەك، كەشە ماۋسىمنىڭ 7ء-سى كۇنى ميانمادا اسكەري ۇشاق جوعالدى دەپ حابارلانعان بولاتىن.بۇل مالىمەتتى اۋەجايداعىلار مەن ميانمانىڭ اسكەر باسشىسى راستادى. 

سوڭعى دەرەكتەر بويىنشا، اۋە كەمەسىنىڭ بورتىندا 120 جولاۋشى بولعان. ونىڭ 106-سى اسكەريلەر مەن وتباسى مۇشەلەرى. ال 14 جولاۋشى ۇشاق ەكيپاجىنىڭ قىزمەتكەرلەرى. ايتا كەتسەك، ۇشاقتا بولعان 120 جولاۋشىنىڭ 15ء-ى بالالار. 

ۇشاق اسكەريلەردىڭ وتباسىلارىمەن ەلدىڭ وڭتۇستىگىندەگى مەي قالاسىنان شىعىپ، يانگون شاھارىنا بەت العان. ءبىراق اندامان تەڭىزىنىڭ ۇستىندە بايلانىس ۇزىلگەن. ءقازىر اپات ايماعىندا ىزدەستىرۋ-قۇتقارۋ جۇمىستارىنا 6 كەمە جانە 3 ۇشاق جۇمىلدىرىلعان.

اۋدارعان: ايگەرىم تاۋباي