ق ر اقپارات جانە كوممۋنيكاسيالار ءمينيسترى داۋرەن ابايەۆ «100 جاڭا تۇلعا» جوباسى بويىنشا ءوتىنىم قابىلداۋ باستالعانى تۋرالى حابارلادى.
«قوعامدا «100 جاڭا تۇلعا» جوباسى قالاي جۇزەگە اسىرىلاتىنى قىزۋ تالقىعا ءتۇسىپ جاتىر. جۇمىس توبىنىڭ تەڭ ءتوراعاسى رەتىندە وسى ماسەلە جونىندە تۇسىنىك بەرىپ وتكىم كەلەدى. ءبىز ۇمىتكەرلەر ءتىزىمىن جاساۋ ءۇشىن بارلىق الاڭدار، قۇرالدار مەن دەرەككوزدەردى پايدالانۋعا نيەتتىمىز»، - دەپ جازدى ءوزىنىڭ فەيسبۋكتاعى پاراقشاسىندا مينيستر.
El.kz ينتەرنەت-پورتالى بازاسىنداعى 100esim.el.kz سايتىندا ءوتىنىم قابىلداۋ باستالعان. بىرەۋلەردىڭ ءومىر جولى، جەتىستىگى سىزگە ەرەكشە كورىنسە نەمەسە ءسىز ءوزىڭىز وسىعان لايىقتى بولساڭىز، وندا ءسىزدىڭ جوباعا قاتىسۋعا مۇمكىندىگىڭىز بار. ول ءۇشىن 100esim.el.kz سايتىنا كىرىپ، ءوتىنىمدى تولتىرۋ قاجەت.
مينيسترلىك بۇدان باسقا پىكىرى قوعامنىڭ سەنىمىنە يە بولعان سپورتتان باستاپ عىلىمعا دەيىنگى ءار سالاداعى ەلدىڭ ساراپشىلارى، ەڭبەك سىڭىرگەن قايراتكەرلەرىمەن بەلسەندى جۇمىس جۇرگىزۋ جوسپارلاعان.
