اقش-تىڭ مەريلەند شتاتىنىڭ پوليسەيلەرى 5 ماۋسىم كۇنى اۆتوكولىك ىشىندە وق اتىپ ولتىرىلگەن 18 جاستاعى مەكتەپ وقۋشىسى رەسەي ازاماتى ەكەنىن مالىمدەدى. بۇل تۋرالى قامشى اقپاراتتىق اگەنتتىگى Gazeta.ru-عا سىلتەمە جاساپ حابارلايدى.  ارتەم زيبەروۆتىڭ رەسەي ازاماتى ەكەنىن اقش-تاعى رەسەيلىك ەلشىلىك مالىمدەگەن.

2017 جىلى 7 ماۋسىمدا Fox Baltimore ارناسى ەكى مەكتەپ وقۋشىسىنىڭ 17 جاستاعى ادي نادجار مەن 18 جاستاعى ارتەم زيبەروۆ ءولتىرىلدى دەپ حابارلانعان. ارنانىڭ مالىمەتىنشە، ولار ءبىتىرۋ كەشىنىڭ قارساڭىندا ولتىرىلگەن.

جەرگىلىكتى پوليسيا مالىمەتىنشە، ەكى جەتكىنشەك كولىك ىشىنەن شىقپاعان. ولاردىڭ كولىك سالونىندا اتىپ كەتكەن. پوليسەيلەر كۇدىكتىلەردى تابا الماعان. قۇقىق قورعاۋ ورگاندارى قىلمىسكەردى تابۋ ماقساتىندا مالىمەت بەرە الاتىندار ءۇشىن 10،000 دوللار سىياقى تاعايىنداعان.

شولۋشى: نازەركە مۇسا