الەمگە ايگىلى دجەكي چاننىڭ استاناعا كەلگەنى حابارلانعان بولاتىن.  2017 جىلدىڭ 7-18 ماۋسىم ارالىعىندا استانادا قازاقستان-قىتاي كينوفەستيۆالى وتەدى. دجەكي چان  وسى شاراعا قاتىسۋ ءۇشىن كەلىپ وتىر. قازاقستانداعى جۇڭگو كينوفەستيۆالىنىڭ اشىلۋ سالتاناتىنا قازاق ساحاناسىنىڭ تورىندە جۇرگەن ايتۋلى تۇلعالار قاتىسىپ، دجەكي چانعا ءتۇرلى تارتۋلار جاسادى، دەپ جازادى قامشى اقپاراتتىق اگەنتتىگى.

اتاپ ايتساق، «قازاقستان» رەسپۋبليكالىق تەلەراديوكورپوراسياسى اق ۇجىمى اتىنان  ەرلان كارين قازاقى ناقىشتاعى بەلدىك پەن قۇلاقشىن سىيعا تارتتى. ۆيدەو تەلەجۇرگىزۋشى دينارا ساتجاننىڭ Instagram پاراقشاسىندا جاريالاندى. دجەكي چان ەرلان كاريننىڭ قولىن الىپ، العىسىن ءبىلدىردى. 

تەلەجۇرگىزۋشى دينارا ساتجان ايگىلى اكتەرمەن ۆالس بيلەپ، جەلى قولدانۋشىلارىنىڭ نازارىن وزىنە قاراتتى. 

ال بەلگىلى پروديۋسەر  ءقىدىرالى بولمانوۆ دجەكي چانعا قازاقتىڭ قاسيەتتى قارا دومبىراسىن سىيعا تارتتى. 

الەۋمەتتىك جەلىدە تانىمال تۇلعالاردىڭ دجەكي چانمەن تۇسكەن سۋرەتتەرى كوپتەپ تاراۋدا. ولاردىڭ قاتارىندا ل.سۇلتان قىزى، ن.قويانبايەۆ، ق.بولمانوۆ، د.ساتجان ، يرينا تەن، داۋلەت بيجانوۆ،ت.ب بار. 

جەلى قولدانۋشىلارى دجەكي چاندى كورۋ ءۇشىن استانا قالاسىنا بارعىلارى كەلەتىنىن جازىپ، ىستىق ىقىلاستارىن بىلدىرۋدە. 

دايىنداعان: ايگەرىم تاۋباي