مەملەكەتتىك ورگان باسشىسى قاراماعىنداعى قىزمەتشىسى جەمقورلىققا ۇرىنسا، قىزمەتىنەن كەتۋگە دايىن بولۋى ءتيىس. بۇل پىكىردى "كتك" تەلەارناسىنىڭ "حالىق قىزمەتشىسى" باعدارلاماسىنا سۇحبات بەرگەن ق ر باس پروكۋرورىنىڭ ورىنباسارى اندرەي كراۆچەنكو ايتتى دەپ حابارلايدى Nur.kz.

"كىنالى بولسا دا، بولماسا دا قاراماعىنداعى قىزمەتكەر جەمقورلىقپەن ۇستالسا، وندا كەز كەلگەن باسشى ءوزىنىڭ وتستاۆكاعا كەتۋگە دايىن ەكەندىگىن مالىمدەۋ ءتيىس. ودان كەيىن سايكەسىنشە، تەكسەرۋ امالدارى ونى لاۋازىمىنان بوساتۋ-بوساتپاۋدى انىقتاي جاتار. مەنىڭشە، بۇل - بارىنشا ماڭىزدى. بۇل - مەملەكەتتىڭ جەمقورلىققا قارسى ساياساتىنىڭ ماڭىزدى ءبىر بولشەگى"، - دەگەن باس پروكۋروردىڭ ورىنباسارى.

"وسىنداي جايتتار ورىن العانى انىقتالسا، وندا ول جاريا ەتىلىپ، مەملەكەتتىك قىزمەتىمەن ول ادام بىردەن قوش ايتىسادى"، - دەگەن اندرەي كراۆچەنكونىڭ ايتۋىنشا، بۇگىنگى تاڭدا ەلىمىزدە جەمقورلىققا قاتىسى بولعان مەملەكەتتىك قىزمەتشىنىڭ مەملەكەتتىك قىزمەتكە قايتىپ ورالۋىنا جول جوق.

قامشى-اقپارات