موزامبيك پوليسياسى ەلدەگى بارلىق تاقىر باستى ەر ادامدارعا ومىرلەرىنە ءقاۋىپ ءتونىپ تۇرعانىن مالىمدەگەن.  بۇل تۋرالى قامشى اقپاراتتىق اگەنتتىگى The Guardian-عا سىلتەمە جاساپ.

بۇل پروبلەمانىڭ كوتەرىلۋىنە جاقىندا ورىن العان ەكى تاقىر باستى ەر ادامنىڭ ءولىمى سەبەپ بولدى. بىرەۋىنىڭ باسى شابىلىپ، ءىش قۇرىلىستارى سىرتقا شىعارىلىپ تاستالعان ەدى.

موزامبيك قۇقىق قورعاۋ ورگاندارى بۇل قىلمىستاردى جاساعان 20 جاستاعى ەكى جىگىت ەكەنىن انىقتاعان. قىلمىسكەرلەر ىشكى اعزالاردى ءدىني راسىمدەر جاساۋعا باقسى-بالگەرلەرگە ساتىپ جىبەرگەنىن ايتقان.

جەرگىلىكتى پوليسيا باسشىلىعى مۇنداي قىلمىستاردىڭ ورىن الۋى وسى ايماقتا تارالعان ءدىني سەنىمدەر مەن جورالارعا بايلانىستى دەيدى. «جەرگىلىكتى تۇرعىندار  تاقىر باستى ادامدار باي بولادى» دەپ ويلايدى دەيدى.

وسى ايماقتا سوڭعى جىلدارى البينوس ادامدارعا دا شابۋىل جاسالعان بولاتىن. ولاردىڭ اعزالارى ءتۇرلى قوسپالار جاساۋعا پايدالانعان دەيدى پوليسيا باسشىلىعى.

شولۋشى: نازەركە مۇسا